یا حسین عشقونده دایم دیده خونبار آغلارام #کربلا_کریمی_مراغه_ای

آرزوی زیارت کربلا
گریز به اتمام حجت حضرت اباعبدالله (س)
..
..
..
..
مرحوم کریمی مراغه ای
..
..
..
..
یا حسین عشقونده دایم دیده خونبار آغلارام
آغلاماق عشق اهلنه عادتدی ناچار آغلارام
..
..
..
..
یتدى هر عاشق وصاله قالمشام من انتظار
سینه میز داغلی، حسین جانم، گوگل مهجور و زار(1)
دانۀ اشگیم اولور جاری چو درّ شاهوار
سرّ عشقون قلبده اولدوخجا اظهار آغلارام
..
..
..
..
افتخار ایتسه مزارون عرش اعلا طاقته
حقی وار چاتماز شرفده کربلا توپراقنه
آند اولا شاها یارالی اصغرین قنداقنه
گلمسن جان ویرمرم جانانه زینهار آغلارام
..
..
..
..
بیر غلام روسیاهم شرمسارم یوخ سوزوم
نوکرم بو آستانه سیزده دور دائم گوزوم
چوخدی تقصیریم گناهیمدن خبر دارم اوزوم
لطفون اولسا خلق ایچینده اولمارام خار آغلارام
..
..
..
..
دردمندم نوکرم خاک شفا مشتاقیم
نی کیمی گللم نوایه نینوا مشتاقیم
نیلورم باغ بهشتی کربلا مشتاقیم
کربلایه اولماسام بیر وقفه زوّار آغلارام
..
..
..
..
قویماسام یوز قبریوه ای مرقدی مشکوة نور
آغلارام قیلّام هویدا محشری بی نفخ صور
تشنۀ آب فراتم ایچمرم آب طهور
گر نصیب اولسا منه فردوس و انهار آغلارام
..
..
..
..
بیر نولیدی نهر علقمدن آلیدیم دستماز
یوز قوییدیم روضۀ عبّاسه با سوز و گداز
عرض ایدیدیم ای علمدار شه ملک حجاز
قولّارون قربانی ای قولسوز علمدار آغلارام
..
..
..
..
بیرجه گورسیدیم دوروب قبرونده با حزن تمام
اللریم قوینومدا شاها ایلورم بیله سلام
السّلام ای سو کنارینده ویرن جان تشنه کام
السّلام ای ظلمله مقتول اشرار آغلارام
..
..
..
..
السّلام ای کربلانی ایلین رشگ منا
السّلام ای یار و انصارین ویرن دینه فدا
ای یازان ذبح عظیمون شرحنه بیر ماجرا
ای قویان اسلامده پاینده آثار آغلارام
..
..
..
..
السّلام ای نعشی یرده طعمۀ سمّ ستور
السّلام ای باشی نیده ایلین شاماتی طور
ای یارالی باشنه مسکن اولان کنج تنور
ای ایدن مطبخ سراده کشف اسرار آغلارام
..
..
..
..
یادیمه سالّام او پوزقون حالی ای شاه شهید
سندی لشگر سرنگون اولدی علم قالدون وحید
ذوالجناح اوسته دوروب سسلردون ای قوم عنید
واردی آیا بیر نفر سیزدن منه یار آغلارام
..
..
..
..
(( گریز به اتمام حجت حضرت اباعبدالله (س) ))
..
..
..
..
ای جماعت نور چشم حضرت زهرا منم
یادگار لافتایم مظهر طاها منم
رتبه ده داوودیله عیسا منم موسا منم
یوسفم حیّ وحیدیمدور خریدار آغلارام
..
..
..
..
نیلمیشدیم من سیزه ای کوفیان بدسکال
آلدوز الدن اقربامی قانیمی بیلدوز حلال
هانسی مذهب اهلی ایلر اوز امامیله قتال
ایلدوز آخر منیله بیله رفتار آغلارام
..
..
..
..
من حسینم باشیمون دسمالی عرشه گوشوار
طارم اعلا منیم آدیمله ایلر افتخار
گر آچام نفرینه دل دنیانی قیلّام تار و مار
احتیاجیم یوخ چکم تیغ شرربار آغلارام
..
..
..
..
تیرباران ایتمیون ای لشگر اعدا منی
قارداشیم عبّاس ئولوب تک گورمیسوز آیا منی
ایمدی باغ خلدیده گوزلر آنام زهرا منی
خسته ایتدی روحیمی تأخیر دیدار آغلارام
..
..
..
..
دینی ایستور پایمال ایتسون یزید بدشیم
قویمارام من دین یولوندا باش و جاندان گیچمشم
قانیمیله گلشن دینه اگر سو ویرمیشم
تیز طراوتدن دوشر قالماز بو گلزار آغلارام
..
..
..
..
بیر باخون سمت خیامه ای گروه اشقیا
گوز تیکوبلر بیر منه یکسر عیال مصطفى
فرش ایدوب نازلی رقیّم جانماز ایلر دعا
عرض ایدر یارب بابام یالقوزدی اول یار آغلارام
..
..
..
..
من عزیز عالمینم سرّی وار خوار اولموشام
چاره سازم کایناته ایمدی ناچار اولموشام
شاهبازم فوج روباهه گرفتار اولموشام
دین یولندا خوار و زار اولماق دگول عار آغلارام
..
..
..
..
گر هراسون وار کریمی آتش نیراندن
دوت حسینون دامنین ال چکمه بو سلطاندن
چوخ سخی دور سائلی ردّ ایلمز احساندن
نوکرین شاه ایستمز رسوای اغیار آغلارام
..
..
..
..
(1) مصرع اصلی : سینه میز داغلی یولون باغلی گوگل مهجور و زار
..
..
..
..
#کربلا #کریمی_مراغه_ای #آرزوی_کربلا #ترکی #زبدةالاشعار #حسینیه #حسینیه_کریمی_مراغه_ای