شهادت حضرت رسول اکرم (ص)
..
..
..
..
مرحوم حاج علی اصغر فریدی
..
..
..
..
یا رسول الله او گون که رحلت ائتدون سن بقایه
باب جور ظلم آچیلدی عترت خیرالورایه
..
..
..
..
سالدولار ائیله فشاره فاطمه کان وفانی
یثربی دولدوردی یکسر شیون و داد و فغانی
اَگلَشه راحت ایوینده قویمادی بی شرم ثانی
اودلانوب درگاهی دلدن آهی اوج ائتدی سمایه
..
..
..
..
چکدون اوُل قدری مصیبت بی وفا امّت یولوندا
صبر ائدوب دؤزدون نه قدری ظلمینی آرتیردی اعدا
عاقبت چوخ زحمتیله ائیلدون اسلامی برپا
اینجیدیکمَه گل وجودین ائتمدین شکوه خدایه
..
..
..
..
روشن اولسون ایستدین سن هر زمان راه هدایت
ائیلدون بئیله وصیت امّته ای کان رحمت
من سیزین قویدوم ایچوزده بو ایکی درّی امانت
چکدیگییم زحمتلری سیز وئرمیین باد فنایه
..
..
..
..
بیر کتاب اللهدی بیرده عترتیمدور ای جماعت
هر نه امر ائتسه بولار گر ائیلیین سیزده اطاعت
بو امانتلر مبادا ایلیه سیزدن شکایت
گر بولار ائتسه شکایت ائیلرم حقّه گلایه
..
..
..
..
سن وداع ائتدین جهانی ماسوا باتدی ملاله
ایلدی یکسر ملکلر بو غم عظماده ناله
مرتضانون دوندی قانه قلبی دوشدی اؤزگه حاله
گل کیمی سولدی حسینون مجتبی گلدی نوایه
..
..
..
..
سن جهانی ترک ائدن گون گلستان دین سارالدى
آل اطهارین سپهره شیون و دادی اوجالدی
حضرت زهرانی اعدا ایله بیراحواله سالدى
محسنی سقط اولدی باشی دوشدی بی حد ابتلایه
..
..
..
..
قویدولار یئرده رسول اکرمین گل پیکرینی
اولدولار قرآنه منکر داندیلار دین مبینی
مسجده قولباغلی چکدی بیعته ثانی علینی
گور نجه صبر ائتدی دؤزدی مرتضی امر قضایه
..
..
..
..
بیر مکانی که اولوبدور افتخار اهل حجازه
بیر مکانی که گلردی قدسیان راز و نیازه
بیر مکانی که آلوبدور قابض الارواح اجازه
ایله هتک حرمت اولدی بیر ائله عالی سرایه
..
..
..
..
بیر خانم که بحر علمین گوهر دردانه سیدی
بیر خانم که گلستان عصمتین ریحانه سیدی
بیر خانم که دین حقّین شمعینون پروانه سیدی
آشیانی یاندی چیخدی آهی عرش کبریایه
..
..
..
..
ایلدی آغلار گؤزیله فاطمه مسکن بقیعنی
آغلادی گلدی نوایه چولقادی شیون بقیعنی
ظلمه باخ زهرایه آخر چوخ گؤروب دشمن بقیعنی
کینه سین قوم جفاجو تا یئتیردی انتهایه
..
..
..
..
چکدی آز مدّتده زهرا دشمنون بی حد جفاسین
باشینا آغلار گؤزیله جدّینون سالدى قراسین
قویمیوبلار اوز ائوینده جدّینون دوتسون عزاسین
ظلم ائدوبلر گؤر نه قدری یادگار مصطفایه
..
..
..
..
بوردا زهرانون ستمله اود دوتوب درگاهی یاندی
زینبینده کربلاده خیمه سی یاندی تالاندی
سو کنارینده لب عطشان قارداشی قانه بویاندی
دستگیر اولدی پیمبر قزلاری شمر دغایه
..
..
..
..
آلدی ثانی دن بو مشقی کربلاده شمر کافر
ووردی او زهرایه قمچی زینبه اول کینه پرور
زهرۀ زهرادن آرتیق زینبی آغلاتدی غملر
آغلا سنده ای فریدی روز و شب بو ماجرایه
..
..
..
..
#پیامبراسلام #فریدی #پیامبراسلام_شهادت #ترکی #زبدةالاشعار
یا رسول الله او گون که رحلت ائتدون سن بقایه #پیامبراسلام_فریدی
نظر دهید