زبانحال حضرت زینب (س) در شهادت پدر
.
#زبدةالاشعار
.
: @nohe_torki
.
مرحوم صافی تبریزی
.
یا علی سنسیز نه نوعی گلمسون فریاده زینب
اولماسین مین گونه رنج و محنته آماده زینب
.
ای امان درد دوران الیندن
باغریم اولدی گینه قان الیندن
.
.
هر کسون وار خلقتینده
بیر مقدّر قسمتینده
بیرگلر گوز حسرتینده
قالدی بو دنیاده زینب
.
.
بسکه غملرده کشاکش
چکدی آدلاندی بلاکش
گلدی اوّلدن جفاکش
بو خراب آباده زینب
.
.
گاهی پیغمبر عزاسین
دوتدی گیدی غم لباسین
اوخشیوب زهرا آناسین
گاهی گلدی داده زینب
.
.
گه باشوندا بیرجه یاره
گوردی رهبر کوی یاره
ووردی آهیله شراره
صفحه ایجاده زینب
.
.
قالمادی صبر و قراری
سلب اولوبدی اختیاری
خوش گونی خوش روزگاری
گورمدی رویاده زینب
.
.
ای کلام ناطق حق
ای ولی الله مطلق
ووردی کوی عشقه بیدق
صبریله آزاده زینب
.
.
گوز آچوب بیر وقت اویاندی
مجتبایه باخدی یاندی
لخته لخته آغزی قاندی
گوردی بو اثناده زینب
.
.
آرتدی تاپچاق شور و شینی
خنجر آلتیندا حسینی
جان ویرن دم نور عینی
یالواروب جلاده زینب
.
.
نیزه ده اولجاق نمایان
راس سلطان شهیدان
شه وصایاسین کماکان
سالدی بیر بیر یاده زینب
.
.
نور حق قیلجاق تجلی
تاپدی فیض آلماق محلی
ویردی هر یرده تسلی
سید سجاده زینب
.
.
شامه رهبر قیلدی شاهی
گوستروب شه شاهراهی
گاهی خیزان گیتدی گاهی
زلفی تک افتاده زینب
.
.
صافی آل مصطفادور
رابط فیض خدادور
معطی اجر جزادور
خاصه بو افراده زینب
.
.
#حیدریه_صافی_تبریزی
#حیدریه_شهادت
#یاعلی_سنسیز_نه_نوعی_گلمسون_فریاده_زینب
#ترکی
.
#زبدةالاشعار
.
: @nohe_torki
نظر دهید