یا مصطفی نظیروی دنیا گورنمیوب #مبعث_سیفی_اردبیلی

بعثت حضرت محمد (ص)
#گریز به مصائب #کربلا
..
..
..
..
سیفی ادربیلی
..
..
..
..
یا مصطفی نظیروی دنیا گورنمیوب
چشم زمان جمالوه همتا گورنمیوب
..
خلقت صدفدی سنده اونا درّ ناب سن
معیاروى زمانه هویدا گورنمیوب
..
چشمه مثالی جوششی واردور کمالوون
جز شاهدان لیلة الاسرا گورنمیوب
..
بازار مصر و شام و یمن طول عصریده
سن تک جمیل و گرمی سودا گورنمیوب
..
مخلوق چارسوق جهان حُسن خلقیده
هیهات بیر سنون کیمی آقا گورنمیوب
..
هیچ بیر مکاندا بنده گیِ لامکانینه
پیر فلک نظیروی شیدا گورنمیوب
..
بو تیره خاکدان سنه بنذر پیمبری
همّت بلند و صبریده دریا گورنمیوب
..
الآندا واردی غار حرادن گلور سسون
حق درگهینده مثلووی دنیا گورنمیوب
..
دلدار اَوَلده سرّ عظیم اورگدوب سنه
چون ئوزگه سین بو امره مهیّا گورنمیوب
..
سرمشق عشقى عَلَّمَ الأَسمادن آلموسان
هیچ بنده بیله دولت عُظما گورنمیوب
..
مکتب ندیده بی مثل علّامه نی فلک
روز ازلدن ایندیه اصلا گورنمیوب
..
هر کیم یتورمیوب سنه ایمان و معرفت
خفّاشه بنذیور که تجلّی گورنمیوب
..
تَبَّت یَدى أَبى لَهَبٍ تَب دیوب خدا
چون دشمنونده دست توانا گورنمیوب
..
سنسون الی او کس که سنه قائل اولمیوب
چخسون او گوز که رتبووی والا گورنمیوب
..
سن که دیدون جماعته یکتاپرست اولون
مردان بت پرست مزایا گورنمیوب
..
ایمان گتوردی قولوه پاکیزه نفس لر
چشم حسود حقّیوى اما گورنمیوب
..
اَوّلده بوتراب سنه بیعت ایلدی
سندن بو دهریده اودا اعلا گورنمیوب
..
سویلردی یا رسول امین عاشقم سنه
هیچ کیم منیم کیمی سنی مولا گورنمیوب
..
سن حقّه پیکر اولسون اگر منده سایه ام
جاهل بو رمزه شاهد و معنا گورنمیوب
..
نقاش چیره دستوه روحیم فدا سنون
اعجاز دستوی ید بیضا گورنمیوب
..
یوسف سئوال ایدوبدی زلیخای مستیدن
سن تک اسیر عشقی بو دنیا گورنمیوب
..
بدنام اولام نه علّته سن ایلدون تلاش
حق اهلی ننگ شهرتی حاشا گورنمیوب
..
قیلدی بیان بیر آینه ده باخ جمالوه
دنیا سنون کیمی مَه زیبا گورنمیوب
..
مست ایتدی سالدی چوللره گویچک لیگون منی
افسوس کام وصلی زلیخا گورنمیوب
..
یوسف بیوردی من گوزلم سن گوزل پسند
اما گوزون گوزلّیگه معنا گورنمیوب
..
وار بیر گوزل که من یوزینه خال اولانمارام
خلقت بیله جمال دل آرا گورنمیوب
..
بیر گون گلر جهانه ایدر ماسوانی مست
گنج فلک او گوهره همسا گورنمیوب
..
سرلوحه دور محمّد آدی آفرینشه
نورین هله سرا و ثریّا گورنمیوب
..
قربان اولوم جلالتیوه اَیُّها الرَّسول
حور و ملک نظیروی حقّا گورنمیوب
..
تاریخ سینه سنده ایدوب بو سوزی نهان
اَعلانون اعتبارینی اَدنا گورنمیوب
..
..
..
..
اعراب بیلمدی شه لولاکون ارزشین
ساحر قویوبلار آدینی سندردیلار دیشین
..
..
..
..
تبلیغ ایدوبدی حقّى او مولانی وردیلار
مسندنشین جنّت الاعلانى وردیلار
..
گه توکدیلر تیکان یولینا روح خلقتون
گه پشت بامیدن اونی پنهانی وردیلار
..
مجنون دیوبله گاه او محبوب عالمه
بیحد و بی حساب اونا بهتانی وردیلار
..
گاهی شماتتیله اوغولسوز چاغیردیلار
سنگ ستمله ناطق قرآنی وردیلار
..
گوز یومدی مصطفی اوره گی قان بو دهریدن
درگاهینه عداوت اؤدون آنی وردیلار
..
تکذیب ایدوبله حقّ علینی شیوخ پست
ئوز منزلینده سویگلی زهرانی وردیلار
..
دیللرده بغض آل نبی شدت ایلدی
تا نقشه ی جنایت عُظمانی وردیلار
..
کرب و بلایه چکدیله نازلی حسیننی
گلزار عشقه آتش سوزانی وردیلار
..
نامردمان کینه روش اَهرمن نژاد
عشق زر اوسته تشنه سلیمانی وردیلار
..
آهولری مَلَشدی سوسوزدان خیامیده
ارذل سپاه شهپر سقّانی وردیلار
..
یا مصطفی عداوته باخ اهل کوفه ده
شاهون الینده کی قوزی قربانی وردیلار
..
سن حُرمتى قوناقه ئوزون واجب ایلدون
اُمّتلرون ولى قوجا مهمانی وردیلار
..
آیا نجه یازوم سن ئوپن صاف سینیه
صیّادلر سه شعبه لی پیکانی وردیلار
..
باجی یانندا قارداشینون کسدیلر باشین
سرنیزیه سر شه خوبانی وردیلار
..
زینب باخوردی داشلادیلار دلستاننی
قرآن دیلینده آیت منّانی وردیلار
..
ایوای دینده قارداشینون حالینه باجی
رحم ایتمیوبله زینب نالانی وردیلار
..
کول بستر اولدی سینه ده ناز ایتدیگون گوله
داس ستمله ریشه ی طوبانی وردیلار
..
دست جفا سئوردی چوله بیر چمن گلی
ناله ایدنده بلبل شیدانی وردیلار
..
اکبر باشین گورنده جدا اوسته طرّه قان
ای وای اوغول دینمدی لیلانی وردیلار
..
..
#مبعث #سیفی_اردبیلی #پیامبراسلام_سیفی_اردبیلی #پیامبراسلام #ترکی #زبدةالاشعار