زبانحال حضرت زهرا (س) در بستر شهادت
.
#زبدةالاشعار
.
: @nohe_torki
.
مرحوم #صافی_تبریزی
.
یتوب دور موسم هجران عم اوغلی
غنیمت دور همین بو آن عم اوغلی
.
.
وار ایمدیکه عم اوغلی الده فرصت
گل ایلوم من سنه نچه وصیت
ویروم تا جانیمی آسوده راحت
اولوم گوز یاشوه قربان عم اوغلی
.
.
منیم بو سوزلریم ای کان رحمت
تماما دردسردور رنج و زحمت
ولیکن یوخدی اظهارینده طاقت
اولوب گوگلوم ز بس سوزان عم اوغلی
.
.
آلاندا بیرده یالقوزلوق قرارون
گر عورت آلسان آل وار اختیارون
ولی مندن صورا اولسون شعارون
نقدری ایله سن امکان عم اوغلی
.
.
منیم اولادیمی سالما گوزوندن
آناسیزلار کسلمز گوز یوزوندن
آیرما زینبی هرگز اوزوندن
اماندور ای عزیزی جان عم اوغلی
.
.
حسن جسم ایچره جانیم دور بولورسن
حسین روح و روانیم دور بولورسن
نه محنت لی زمانیم دور بولورسن
اودم کیم ایته لر افغان عم اوغلی
.
.
گینه گیتدی خیالیم نو عروسه
جگر یاندی او حال پر فسوسه
گلنده قتلگاهه پای بوسه
دیردی ای مه تابان عم اوغلی
.
.
گوزوم وار قانه باتمیش گوز قاشوندا
اولوم قربانی یار و یولداشوندا
اسَر روحیم او زلفوندن باشوندان
اگر بیر تل اولا افشان عم اوغلی
.
.
گُلِ سر دور قلج زخمی سرونده
اولوب اوخ دسته گل مه پیکرونده
عطش آثاری عنچه لب لبلرونده
گنه وار ای گل خندان عم اوغلی
.
.
ئولم بو نکته نی ایتمم فراموش
که اولدوم من ده زلفون تک سیه پوش
عجب قویموش سنی مدهوش و بیهوش
تجلای رخ یزدان عم اوغلی
.
.
منی گورچکدی عشقون نه مقامه
که قول باغلی سنه گلدیم سلامه
واراو باشونله گئتسن شهر شامه
خوشام گزدوقجا سرگردان عم اوغلی
.
.
کناره دوشدی سوز بس نولدی علت
قاای گت مطلب اوسته ایله همت
ایدوبدور فاطمه بیله وصیت
قولاق ویر جسمیم ایچره جان عم اوغلی
.
.
ازل عرضیم بودور سن شهریاره
گجیلن غسل و کفن ایت قوی مزاره
گلور روحیم یقینا آه و زاره
گله تشییعه عدوان عم اوغلی
.
.
مبادا ایلیه کلثوم ناله
او حالی هر زمان سالسام خیاله
یانار روحیم بهشت ایچره سلاله
گورنمم دیده سین گریان عم اوغلی
.
.
دایان ال ساخلا صافی یاندی خامه
بو کار عشقدور یتمز تمامه
مکرر سویله عرض ایتدی امامه
یتوبدور موسم هجران عم اوغلی
.
.
#سبک_بیا_یابن_الحسن_آرام_جانم
واگیر برای این سبک از #مصیبی_تبریزی
((قالوبدور زینب ؛ آغلار
بو غمده سینه داغلار
فراقه سیل اشکین
بالام رخساره باغلار))
یتوب دور موسم هجران عم اوغلی
.
.
#سبک_کجایید_ای_شهیدان
#سبک_جوشی_زنجیر
#سبک_بو_کیمدور_یوسف_کنعانه_بنذر
پخش‌کننده صوت
.
.
#فاطمیه_شهادت
#یتوب_دور_موسم_هجران_عم_اوغلی
#ترکی
.
#زبدةالاشعار .
: @nohe_torki
نظر دهید