یولانور شاماته غملو کاروانیم یاحسین #کوچ_کربلا_تقایی_اردبیلی

کوچ اسرا از قتلگاه
..
..
..
..
مرحوم تقایی اردبیلی
..
..
..
..
یولانور شاماته غملو کاروانیم یاحسین
دور دعا ایله بیزی آرام جانیم یا حسین
..
..
..
..
زینبه صبر ایسته قارداش درگه داداریدن
فاتحانه تا که گلسون عهدۀ پیکاریدن
خنجر منطقله آلسون قانووی اشراریدن
نحو احسنله قوتارسون امتحانیم یاحسین
..
..
..
..
ایلدون محکم بنای کاخ دینی قانیله
خدمت ایتدون دینیله قرآنه باش و جانیله
منده که عهد ایتمشم روز ازل جانانیله
وقفدور اسلامه یکسر باش و جانیم یاحسین
..
..
..
..
قویمارام محکم قالا من کاخ ابنای فساد
تا چاتا اوز کامنه سفانیان بد نژاد
کوفه ده نطق ایلسم رسوا اولار ابن زیاد
دشمنی نابود ایدر طرز بیانیم یاحسین
..
..
..
..
دشمنون تهدیدیلن مرعوب ایدوب انسانلاری
جاری اولدی ظلم الیله آل هاشم قانلاری
جهد ایدوب زینب گرگ بیدار ایده وجدانلاری
حربۀ تبلیغ دینه وار گمانیم یا حسین
..
..
..
..
ایسته سون حق زینبه لطف ایلیه نطق وبیان
سن فقط بو کاروان دوشجک یولا باشلا اذان
تا گیدوب ویرانه یرده ایلیوم من آشیان
کربلاده گرچه یاندی آشیانیم یاحسین
..
..
..
..
قول ویر بو زینبی هر آن سرافراز ایله سن
کوفیه وارد اولان وقتنده پیشواز ایله سن
آیۀ قرآن فراز نی ده آغاز ایله سن
خوش سسوندن آرتران تاب و توانیم یاحسین
..
..
..
..
بو سفرده بیر آغیر مشگل وار آرامیم آلور
خانۀ قلبه بو بیر مشکل ستملن اود سالور
چاره سیز دور زینبون نعشون سنون عریان قالور
بو سببدن وار منیم سوز نهانیم یاحسین
..
..
..
..
سهلدور عریان قالور دشت بلاده پیکرون
یان یانا یاتمیش بو صحراده وفالی لشگرون
طاقتیم الدن آلوب قارداش کسیلمیش اللرون
کیم بیله بیر ظلم ایدوب روح روانیم یاحسین
..
..
..
..
شامه شوقیله آپارّام عشقوون پروانه سین
تا ایده آباد او یرده منزل ویرانه سین
شامیده برپا ایدک بیز دین سفارتخانه سین
تا سفیر اولسون انیس خوش زبانیم یا حسین
..
..
..
..
دشمنون تبلیغ پوچی بیر فقط بوش سسدی سس
بیر اولان الله اوزی بی کسلره تک کسدى کس
یخماقا ناکس یزیدى بیر رقیبون بسدی بس
بلبلیم فاتح چیخار واردور گمانیم یاحسین
..
..
..
..
عمر فانی برق تک سیر ایلیور راه فنا
هر گونی هر ساعتی هر آنی اولموش ابتلا
متقى اولسا تقائیلر آلار اجر بقا
فخر ایدر هر شاعریم یا نوحه خوانیم یاحسین
..
..
..
..
#کوچ_کربلا_تقایی_اردبیلی #ترکی #زبدةالاشعار