یولانور شاماته غملو کاروانیم یا حسین #کوچ_کربلا_تقایی_اردبیلی

کوچ اسرا از قتلگاه
..
..
..
..
‌مرحوم تقایی اردبیلی
..
..
..
..
یولانور شاماته غملو کاروانیم یا حسین
دور دعا ایله بیزی آرام جانیم یا حسین
..
..
..
..
زینبه صبر ایسته قارداش درگه داداریدن
فاتحانه تا که گلسون عهده ی پیکاریدن
خنجر منطقله آلسون قانووی اشراریدن
نحو احسنله قوتارسون امتحانیم یا حسین
..
..
..
..
ایلدون محکم بنای کاخ دینی قانیله
خدمت ایتدون دینیله قرآنه باش و جانیله
منده که عهد ایتمیشم روز ازل جانانیله
وقفدور اسلامه یکسر باش و جانیم یا حسین
..
..
..
..
قویمارام محکم قالا من کاخ ابنای فساد
تا چاتا اؤز کامنه سفیانیان بد نژاد
کوفه ده نطق ایلسم رسوای اولار ابن زیاد
دشمنی نابود ایدر طرز بیانیم یا حسین
..
..
..
..
دشمنون تهدیدیلن مرعوب ایدوب انسانلاری
جاری اولدی ظلم الیله آل هاشم قانلاری
اللشوب زینب گرک بیدار ایده وجدانلاری
حربه ی تبلیغ دینه وار گمانیم یا حسین
..
..
..
..
ایسته سون حق زینبه لطف ایلیه نطق و بیان
سن فقط بو کاروان دوشجک یولا باشلا اذان
تا گیدوب ویرانه یرده ایلیوم من آشیان
کربلاده گر چه یاندی آشیانیم یا حسین
..
..
..
..
قول ویر بو زینبی هر آن سر افراز ایله سن
کوفیه وارد اولان وقتینده پیشواز ایله سن
آیه ی قرآن فراز نی ده آغاز ایله سن
خوش سسوندن آرتیران تاب و توانیم یا حسین
..
..
..
..
بو سفرده بیر آغیر مشگل وار آرامیم آلور
خانه ی قلبه بو بیر مشکل ستملن اود سالور
چاره سین دور زینبون نعشون سنون عریان قالور
بو سببدن وار منیم سوز نهانیم یا حسین
..
..
..
..
سهلدور عریان قالور دشت بلاده پیکرون
یان یانا یاتمیش بو صحراده وفالی لشگرون
طاقتیم الدن آلوب قارداش کسیلمیش اللرون
کیم بیله بیر ظلم ایدوب روح و روانیم یا حسین
..
..
..
..
شامه شوقیله آپارام عشقوون پروانه سین
تا ایده آباد او یرده منزل ویرانه سین
شامیده بر پا ایدک بیز دین سفارت خانه سی
تا سفیر اولسون انیس خوش زبانیم یا حسین
..
..
..
..
دشمنون تبلیغ پوچی بیر فقط بوش سسدی سس
بیر اولان الله اؤزی بی کسلره تک کسدی کس
یخماقا ناکس یزیدی بیر رقییون بسدی بس
بلبلیم فاتح چیخار واردور گمانیم یا حسین
..
..
..
..
عمر فانی برق تک سیر ایلیور راه فنا
هر گونی هر ساعتی هر آنی اولموش ابتلا
متقی اولسا «تقائیلر» آلار اجر بقا
فخر ایدر هر شاعریم یا نوحه خوانیم یا حسین
..
..
..
..