کوچ از کربلا
.
✍️ زبدة الاشعار ✍️
?: @nohe_torki
.
سید بشیر حسینی میانجی
.
گییوبدور قره جامه
علینون قیزى زینب
گئدور کوفه و شامه
علینون قیزى زینب
.
رئوس شهدانى عدو تندن آییردى
گل و غنچه درَنلر گولى دندن آییردی
عنادیلى ستملن او گلشندن آییردى
دوشوب قوش کیمى دامه علینون قیزى زینب
.
ئولوب قارداشى، باشه همیشه قره باغلار
چکوب آه اورگیندن هامى دیل لرى داغلار
ئولونجه گئجه گوندوز حسین واى دیوب آغلار
دییر نوحه امامه علینون قیزى زینب
.
یوزین علقمه دوتدى منى دیندیر اباالفضل
منیم بیرکمکیم یوخ غمیم مین دیر ابالفضل
اؤزون ناقه نون اوسته منى میندیر ابالفضل
اوزى میندى جَمامه علینون قیزى زینب
.
چاتوب کوفیه آخر، اوَل قارداشا باخدى
تماشا ائلیه نلر الینده داشا باخدى
جفائیله جیدایه ویریلمیش باشا باخدى
وئروب آهه ادامه علینون قیزى زینب
.
شهین نیزه باشیندا باشى باشلادى قرآن
کسیک باشه داش آتدى او دم دشمن نادان
کسیلدى سسى، سینمیش جبینیندن آخوب قان
یانوب نار ظُلامه علینون قیزى زینب
.
قوتار یازما «بشیر»ا، اؤرَکلر قانا دؤندی
سارالدی رُخ دفتر، سولان ریحانا دؤندی
گؤزون یاشی بو غمده، آخوب عمّانا دؤندی
یازوب اشکیله نامه، علینون قیزی زینب
.
.
#کوچ_کربلا
#گییوبدور_قره_جامه
#سیدبشیرحسینی
#ترکی
.
✍️ #زبدةالاشعار ✍️
?: @nohe_torki
نظر دهید