ولادت حضرت رسول اکرم (ص) و شرح بعثت
.
✍️ زبدة الاشعار ✍️
.
🆔: @nohe_torki
.
مرحوم حاج عبدالعظیم ذهنی زاده تبریزی
.
مژده گَتدی صبحدم باد سحر کای نیکنام
بوگونون مثلینده دنیایه گلوب خیرالانام
.
.
بیر وجودیکه اودور خلقتده اوّل ماخلق
صبح علم و عالم سّر و خفیّاته شفق
علت ایجاد هر بیر مالحق دور ماسبق
منجی عالم یگانه مصلح عالی همام
.
.
بیر وجودیکه اودور سرمایۀ فخر بشر
ایلیوب دینی جهانه امر خیر و نهی شر
نور رخساری بوگونکی گونده اولدی جلوه گر
پرتو حسنیله روشن اولدی دنیای ظلام
.
.
بیر زمان قویدی قدم دنیایه بو نفس عزیز
اهل دنیا امر خوب و زشته ویرمزدی تمیز
بیر ایله دنیا که شرحی شرم آور ننگ بیز
دشت جهل و کفر سرگردانی هر بیر خاص و عام
.
.
ژرف دریای جهالت ایچره دنیا غرقیدی
محض ظلمت ظلمت کفریله غرب و شرقیدی
جهل و دانش بیر بیریله دهرده بی فرقیدی
طالع اولدی مکّه دن بو نیرّ علم تمام
.
.
دوست و دشمن ایچره قرخ ایل بو یتیم روزگار
حسن خلقیله تاپوب دنیاده عمده اشتهار
قرخ سنّینده ایدوب مبعوث ربّ کردگار
خلقه تبلیغ ایلسون خلّاقدن امر و پیام
.
.
باشلادی تبلیغه تاج بعثتیله تاجدار
مکّه نین جاهل لری ایتدی وجودین سنگسار
گاه ساحرگاه مجنون آد قویوب اهل نقار
بو جفالر آرتروب قلبینده تبلیغه قوام
.
.
گه وروب سندیردیلار سنگ جفائیله دیشین
ظلم الیله گاه سندی پارچالاندی مه جبین
قانی آخدی گوزلری دولدی بویاندی آستین
عرض ایدردی ائت هدایت امتی ای لاینام
.
.
اولمادی عمرینده ببر لحظه اذیّتدن کنار
کول توکوبلر باشینه گاهی ایاقی آتدا خار
ایلدی تبلیغ احکام الهی هرنه وار
واجبات و مستحبّات و حلالیله حرام
.
.
چکدی بیر عمری جهاندا رنج و درد بی حساب
گتدی اهل عالمه خلاّق عالمدن کتاب
بو کتابی ایتدی کفر و جهل بنیادین خراب
نور گَلسَه ظلمته قالماز بلی جای دوام
.
.
بو کتابینده حقوق اجتماع عالمی
کاملاً منظور ایدوب قانون شرع اعظمی
ایتدی مستغنی قوانین بشردن آدمی
تا جهان وار نه بیله قانون اولار نه بو کلام
.
.
زینت دینیله دنیانی مُزیّن ایلدی
قتله قتلی حفظ جانه حد معیّن ایلدی
سارقه قطع یدین حدّین مُبیّن ایلدی
تا اولا محفوظ جان و مال آزاد و غلام
.
.
باغلادی راه زنانی عقدۀ تزویجیله
ایلدی محکم بو سدّی چادره ترویجیله
هر زنایه بیر معیّن حَدّیله تحریجیله
ضرب و قتل و رَجمیله گوستردی طرز احترام
.
.
هر تعدّی دن اولا محفوظ اولاد بشر
اهل ناموسه حجاب آیاتی گَتدی سربسر
عالمه کشف حجابی بیلدی ناموسه خطر
خوش بیلر بو نکته نی هر صاحب ناموس و نام
.
.
بیر حجاب امرینده صادر عمده احکام ایلدی
حکمینی حکم ضروریّات اسلام ایلدی
ردّ ایدن هر بیر کسی مُرتَدّ اعلام ایلدی
خون مرتدّی هدر اعلام ایدوب شرع کرام
.
.
حفظ گنج گوهر عصمت حجابه بسته دی
فرددن تحصیل جمعیّت حجابه بسته دی
چوخ فَجایعدن مصونیّت حجابه بسته دی
هر مفصّل شرحدن بیر عرض مجملدور مرام
.
.
گل نقدری غنچه دور رخساری اوسته وار حجاب
هر حوادثدن قالار محفوظ دَرمَز شیخ و شاب
لیک یوز آچسا جمالمیندن کنار ایتسه نقاب
هر گورَن ایلر طمع قطعاً دَرَر هر اهل کام
.
.
عقلدن آیریلماسون عمرینده بیردم خاص و عام
شرب هر بیر مسکراتی ایلدی جدّاً حرام
ایتدی فرمایش شراب امّ الخبائثدور تمام
زایل عقل و کلید باب هر بیر جرم جام
.
.
هر عبادت جمله طاعت دشمنی جام اولدی جام
عزّت نفسی و شهادت دشمنی جام اولدی جام
لاجرم عقل و فراست دشمنی جام اولدی جام
اهل شربه توسن عقل اولمیوب دنیاده رام
.
.
ایستیه شربین بشر تعظیم تحریمین بیله
دلده آب آتشینین جسم تضریمین بیله
بسدی حدّ آخری و نفس تکریمین بیله
قتلدور دوردیمجی حدّ ایستر خواص عوام
.
.
ذیحق اولسون بیربیرینه اهل فقر واغنیا
با اهمیت زکوة آیاتی گتدی مصطفا
ایلدی تأمین مالی اهل دینه مطلقا
چوخ ایدوب تأکید اولونسون هر زکاتَه اهتمام
.
.
گر زکاتین ردّ ایده اهل ذکوة ایلدن ایله
آند اولا اسلامه هیچ بیر گوز ساتماشماز سائله
هر فقیر و هر غنی دلدن ویریللّر ال اله
رخنه گورمز ملک و ملّت بیر خداوند مقام
.
.
حکمتیله چوخ بیر احکامی حکیم بی نیاز
هر نماز واجیبدی جمع ایدوب ای اهل راز
معصیتدن ساخلا اُز اهلین نماز اولسا نماز
هیکل دیندور حقیقتلی قعودیله قیام
.
.
پربها بیر گوهر بی مثلدور دین مبین
دینه قربان جان و مال انبیا و مرسلین
انبیا قربانی جان و مال و نفس اهل دین
گورنه قیمت دینینه قویموش خدای ذوالکرام
.
.
بی سبب قربان دگل دینه وجود مصطفا
بی جهت محرابده قانه بویانموب مرتضی
بی جهت بیر عمر هر بیر رنجه دُؤزموب مجتبا
بی جهت دشت بلایاده حسین ائتموب قیام
.
.
نور عمرین مصطفی دین اوسته خاموش ایلدی
مرتضا دین اوسته دنیانی فراموش ایلدی
دین یولوندا مجتبا زهر جفا نوش ایلدی
دین یولوندا ویردی جان لب تشنه شاه مستظام
.
.
دین اسلام اوسته جان ویردی حسین ابن علی
یازدی قانی صفحه ایجاده با خطّ جلی
قویمادیم یخسون لوای دینی اهل کفر الی
پرچم حقّ آچدیم اهل حق باشی اوسته مدام
.
.
دین یولوندا باغرینا عبّاس باسمیشدی علم
دین یولوندا ظلم الیله اللری اولدی قلم
گورمدون اِنّی احامی سسلنوردی دمبدم
پیکرینده باش باشا چاتمیشدی سانسیز چوخ سهام
.
.
دینه باخ بیر عزّت بی منتهایه سیر ایله
دون ذات فرد فوق ماسوایه سیر ایله
شان اهل دینه باخ لطف خدایه سیر ایله
اهل دینیندور هامی شان و شرف هر احتشام
.
.
هر سعادت هر کسه اولسا هدف وار دین ده
ایستیه هر کیم هر عزّت هر شرف وار دین ده
آختارا هر کیمسه هر دُرّ صدف وار دین ده
دین دور گنجینۀ هر گونه گوهر والسّلام
.
.
حفظ استقلال ملّیت بو دینه بسته دور
کسب و تحصیلات حیثیّت بودینه بسته دور
هر عدالت جمله حریّت بو دینه بسته دور
دین یعنی حافظ حیثیّت اهل سلام
.
.
«#ذهنیا» بیر طرزیله بیر شعر انشاد ایلدون
نکته شعره کمالات اهلین ارشاد ایلدون
جنّت اعلاده «#ذهنی» روحینی شاد ایلدون
صورت شعرونده تاپدی معنی خیر اختتام
.
.
#17ربیع
#مبعث
#مژده_گتدی_صبحدم_باد_سحر_کای_نیکنام
#ذهنی_زاده
#ترکی
.
✍️ #زبدةالاشعار ✍️
.
🆔: @nohe_torki
نظر دهید