«ولادت نامهٔ امام حسن عسکری علیه السلام»
.
✍️ زبدة الاشعار ✍️
.
🆔: @nohe_torki
.
اکبر ستاری
.
گوهرِ رخشان حسن عسکری
ماهِ درخشان حسن عسکری
.
اخترِ تابان حسن عسکری
شمسِ فروزان حسن عسکری
.
گلدی جهانه ربیع‌الثّانی‌ده
غنچه‌ی خندان حسن عسکری
.
غرقِ سُرور اولدی علی‌النّقی
اولدو آنادان حسن عسکری
.
شاداولوب السّاعه محمدتقی
سسلنیری جان حسن عسکری
.
اؤن‌بیریمینجی خَلفِ اولیاء
حجت یزدان حسن عسکری
.
عرض اِئدیریک غنچه گلِ سوسنه
جان سنه قربان حسن عسکری
.
آدینا گسترده اولوب بوگئجه
سفره‌ی‌احسان حسن عسکری
.
شیعه‌لرین جشن ولادت دوتوب
قلبِ اِئوی خندان حسن عسکری
.
گل گله پیوسته قیلیرعرض حال
گولدوگلستان حسن عسکری
.
شیعه‌لرین گؤرنه گؤزل سسلنیر
آدینی هرآن حسن عسکری
.
جان سنه قربان حسنِ عسکری
جان سنه قربان حسن عسکری
.
.
.
لطفِ خداوندی اولوب آشکار
قویدو جهانه قدم اول نامدار
.
سگگیزِ شهرِ ربیع‌الثانی‌ده
گولدو یِئنه گلشنِ هشت‌وچهار
.
گلدی جهانه خلفِ مرتضٰی
حضرتِ زهرایه گؤزل یادگار
.
جدّی پیمبرکیمی نیکومأب
حُسنِ حَسن آدی حسن نامدار
.
الده حسینین عَلَمِ نصرتی
سیدِسجاد کیمین باوقار
.
حضرت باقر آدینین زینتی
حضرت صادق کیمی آموزگار
.
موسیِ‌کاظم آدینین عزّتی
جدّی رضاتک دوشوب اِئلدن کنار
.
زاده‌ی دلبند محمدتقی
جود و سخاده اؤزو دولتمدار
.
پورِ قوی‌دستِ علی‌النّقی
ارث آپاریب‌دیر آتادان ذوالفقار
.
روم و حجازین شرف‌الناسی‌دیر
صاحب عصرآدین اِئدر پایدار
.
عرصه‌ی تقواده اولوب نامور
حافظ ایمان حسن عسکری
.
جان سنه قربان حسن عسکری
جان سنه قربان حسن عسکری
.
.
.
وصف ائله ای دل او جوان رهبری
گل آدی گللندیره‌جک دفتری
.
متن تواریخ‌ده باخ علّته
وجهی ندیر تَسمیةٔالعسکری
.
هجرت ائدن وقته امامِ زمان
چون متوکل اونا اولدی جَری
.
ظلم و فشارِ بَنِ‌العباس‌دن
حضرته یِئر وِئردی میان لشگری
.
میرِ عساکر دِئدیلر آدینا
وصف ائله جانا او گؤزل افسری
.
برجِ ولایتده سپهبُد نشان
کیم گؤروب آیا بِئله عالی فری
.
فَرّ و شکوه و عظمت صاحبی
یاده سالیرصولتِ پیغمبری
.
بِئلده حمایل اِئلیینده حسام
جلوه‌لَنیرگؤزده شهِ خیبری
.
جود و سخاده حسنین زمان
گؤرسه دییرکیم او عدالت‌گری
.
شأن و شجاعت‌ده مثال علی
فتح و ظفرصاحبی‌دیر اللری
.
دردی اولانلاردا دِئسین صدقیلن
دردلره درمان حسن عسکری
.
جان سنه قربان حسن عسکری
جان سنه قربان حسن عسکری
.
.
.
گلدی جهانه شرف کاینات
اهلِ جهانه اودو بابِ نجات
.
صاحب عصرین آتاسی نورِحق
مِهرِمُنوّردی سالیب شعشعات
.
آدی حسن‌دیر لقبی عسکری
وارگؤزل القابی حمیده صفات
.
خالص و هادی و زَکیّ و سخی
نقل ائدیب اوتادِ ثُقات و رُوات
.
بیرلقبی واردی سراج‌المنیر
لَم‌یَلِد حُکمینده قالیب اُمّهات
.
پرده‌ی اسرار اونا وابسته‌دی
شأنینه نازلدی اونون سابقات
.
شیعه‌لرین دردینه آگاه‌دیر
ایستییر آلسین هامی سهمِ برات
.
سسلنیرعشقیله گؤزل آدینی
بذل اولونور عشقیله نُقل و نبات
.
ذِکرسلام و صلوات حکمینه
یادائله تاپسین اورگینده ثبات
.
بلکه دعاقیلسین امام زمان
جانب مولادن اولارالتفات
.
سائل درگاهینوق ای شهریار
صاحب احسان حسن عسکری
.
جان سنه قربان حسن عسکری
جان سنه قربان حسن عسکری
.
.
.
مجلسینه دردی اولانلار گلوب
عشقیله شوریده جوانلار گلوب
.
بزم عزا بلبلی آغلار گؤزو
نوحه دیین سینه وورانلار گلوب
.
محفل اُنسه نئچه درمانده‌لر
بوته‌ی غم‌ده اوتورانلار گلوب
.
بو گئجه مولا حسنون عشقینه
سینه‌لرین غصه یورانلار گلوب
.
یاحسن‌عسکری سسلر هامی
آدینی ازبر ائده جانلار گلوب
.
عرش خدادن یارانیب‌دور صدا
قنداغینی الده دوتانلار گلوب
.
فوج ملک‌دور اونا زوّار اولوب
عطرینی سوغات آپارانلار گلوب
.
باخ بو گؤزل مجلسه یابن‌الحسن
قلبلرین هجر یارانلار گلوب
.
جدّون حسینین غمینه آغلییان
مست تولّیٰ اوتورانلار گلوب
.
مستمع و شاعر و هم نوحه‌خوان
صدقیله یاحق چاغیرانلار گلوب
.
کرب و بلاده نه اولار ائیلسن
سن بیزی مهمان حسن عسکری
.
جان سنه قربان حسن عسکری
جان سنه قربان حسن عسکری
.
.
.
روضه‌ی رضوان‌دی بیزه کربلا
جسم‌ده‌کی جان‌دی بیزه کربلا
.
آند اولا مقتل‌ده آخان قانووه
تربتی درمان‌دی بیزه کربلا
.
بیز اونا راغب او بیزه مشتری
مایه‌ی رجحان‌دی بیزه کربلا
.
ایستمیروخ سِیر چمنزاری بیز
صحن گلستان‌دی بیزه کربلا
.
روحیمیز اول یئرده یارالی یاتیب
روح‌دی ریحان‌دی بیزه کربلا
.
چوخلاری فکر ائیلوری دیوانه‌ییک
قؤی دئسین احسان‌دی بیزه کربلا
.
اولموشوق هریئرده عزا بلبلی
باغ‌ایله بوستان‌دی بیزه کربلا
.
کعبه‌ی آمالیمیز اول یئرده‌دور
قبله‌ی جانان‌دی بیزه کربلا
.
عاقل دیوانه دئییوللر بیزوخ
حجت و برهان‌دی بیزه کربلا
.
سن اورا«ستارینی»مهمان ائله
ای شَهِ شاهان حسن عسکری
.
جان سنه قربان حسن عسکری
جان سنه قربان حسن عسکری
.
.
#عسکریه_میلادیه
#گوهر_رخشان_حسن_عسکری
#قیزیل_قلم
#ترکی
.
✍️ #زبدةالاشعار ✍️
.
🆔: @nohe_torki
نظر دهید