فنادنیایه کیم گلدی اولوبدورباغریقان گیتدی #پندیات_محمدتقی_میرزایی

عبرتنامه
.
.
.
محمد تقی میرزایی
.
فنادنیایه کیم گلدی اولوبدورباغریقان گیتدی
بلیاته دچار اولدی دلینده الامان گیتدی
.
بویورموش خالق سبحان که کل من علیها فان
اودورعلت قالان یوخدورعیان وهم نهان گیتدی
.
گیدوب سیرایله تاریخی اولوب بونحویلن مکتوب
وضیعیلن شریفیلن دوزلدی کاروان گیتدی
.
بودنیابیرگذرگهدور بشربیرمیهمان مثلی
گلوبدوربوگذرگاهه نقدری میهمان گیتدی
.
سکندرگزدی تاآب حیات ایچسین بقاتاپسین
اجل مقراضی قیردی رشته عمرون جوان گیتدی
.
سلیمان که حکومت ایلیردی انسیلن جنه
عصایه تکیه ایتمشدی تاپوبدی نزع جان گیتدی
.
مطول عمرایدوب نوح نبی که انبیاایچره
وفاسیزدهریدن آخراولوبدی قلبی قان گیتدی
.
اوقارونی که قرآندا اولوبدورسمبل ثروت
الیندن دوتمادی ثروت ترابه ناگران گیتدی
.
اولان وابسته دنیایه اویانمازخواب غفلتدن
دیربیرگون فقط مردم فلان بن فلان گیتدی
.
فقط بیرذات هوباقی قالانلارفانیدورفانی
گوزآچ میرزائیاباخ گورنقدری دوستان گیتدی
.
.
#فنا_دنیایه_کیم_گلدی_اولوبدور_باغریقان_گیتدی
#ترکی
.
.