ای عصمت حق که جان طاهاسن #فاطمیه_بیدقداری

در مدح حضرت زهرا (س)
.
.
حاج داود بیدق داری
.
.
ای عصمت حق که جان طاهاسن
ای گوهراحمدی که دریاسن
.
ممدوحه ی کل آفرینش سن
محبوبه ی ذات حی یکتاسن
.
هم آینه ی سن تمام والشمسه
هم والقمرو اذا تلاهاسن
.
هم خیرداجاحجره ده ئوزون ساکن
هم کل وجوده حکم فرماسن
.
هم سیده ی نساء عالمسن
هم شافعه ی رجال فرداسن
.
مدحونده نه سوزیازیم که ناب اولسون
بوبسدی جلالتونده زهراسن
.
هم آینه ی جمال احمد هم
باشدان ایاقا علی اعلاسن
.
هم دختر شخص اول خلقت
هم مادر یازده مسیحاسن
.
هرنه دیله گلمیوبدی آگهسن
بیز گوره نمیه ن نهانه بیناسن
.
اون بیر اولدوز آسمانی سن زهرا
تاریخیده جاودانی سن زهرا
.
ای دیلده سوزون عصاره ی قرآن
ای درد دله اشاره تون درمان
.
مدحونده دی انما یریدالله
وصفونده دی هل اتاعلی الانسان
.
حق سید کائناته یا زهرا
وئردی سنون احترامووه فرمان
.
سنلن چخاجاقدی ساحله شیعه
غرق ائتسه بوتون جهانی گرتوفان
.
نازایلیه جک بهشته محشرده
هرکیم که سنه دلینده وارایمان
.
خلقت یوخودی شمایلون گویده
نوریله یاراتدی قادر منان
.
مدحونده عیاندی کوثریزدان
قدرونده نهاندی عالم امکان
.
قدرتله خدا نه خلق ائدیب یرده
سن ایله میسن خلایقه احسان
.
افسوس که اولمیوبدی دفنونده
توکسونله اوقبره لاله وریحان
.
قبرون کیمی ای شکسته پهلوسی
قدرونده قالوبدی عالمه پنهان
.
.
.
افسوس ،جهان غم دیاروندور
هرشکسته دل سنون مزاروندور
.
.
.
گریان غم ودردیووه جهان اولدی
نالان بوملاله انس وجان اولدی
.
یرده گویرن زماندا رخسارون
حیران سنه خاطر آسمان اولدی
.
افسوس دچار حمله ی دونان
بیر کوچه ده مادر جوان اولدی
.
پامال تفکرات اوچ خائن
بیرلحظه ده باغ وباغبان اولدی
.
اون سگیز ایلین بهاری بیرگونده
افسوس که ظلمیلن خزان اولدی
.
بیرضربتیلن آچیلدی ، بی طاقت
تاشعله ده درب آشیان اولدی
.
دگدی گوله تا اوحالدا میخ در
آلاله سیاقی آستان اولدی
.
یورقون سسووه یاناندا درگاهون
بیرشمع تک آغلیان جنان اولدی
.
معبرده امیر بیکسان حیدر
گوردی سنی قامتی کمان اولدی
.
سسلندی گئدوبدی طاقتیم زهرا
قلبیمده بوغصه جاودان اولدی
.
.
.
گورنئیلدی بو زمانه یازهرا
دگدی سنه تازیانه یازهرا
.
.
#فاطمیه #فاطمیه_مدح #بیدقداری #ترکی #زبدةالاشعار