ای نور پاکی نور حق کبریا جواد #جوادیه_محمدرضاصادقی

عرض ارادت محضر امام جواد (ع)
.
.
محمدرضا صادقی
.
.
ای نور پاکی نور حق کبریا جواد
ای مظهر کمال رسول خدا جواد
.
.
ای یادگار شیر خداوند ذوالجلال
بذل و کرمده خلق آرا اولموش آدون مثال
عاجزدی وصفیوه قلم و دفتر و مقال
محشر اولونجا گر یازا صبح و مسا جواد
.
.
غمدن رها اولار قاپیوا کیم اولا دخیل
سن راضی اولماسان اولا بیر کیمسه نی ذلیل
حاتم سخا و جودیوی گورسه اولار خجیل
ای معدن کرامت و جود و سخا جواد
.
.
مشکلده قالسا، دادینه کیم سسلسه سنی
واضحدور ائتمسن الی بوش سن او کیمسه نی
از بس توسل ائتدی سنه کیم ، اولوب غنی
اولماز نیازی حشره کیمی مطلقا جواد
.
.
کیم کاظمینه گلسه اورکدن صفا تاپار
آختارسا دردینه او مکاندا دوا تاپار
بی شُبهه مرقدونده مریضلر شفا تاپار
بیردفعه گر دئسه سنی خیرالنسا ، جواد
.
.
مدتدی درگهونده سنون سائل اولموشام
از بس کرامت ایلموسن کامل اولموشام
با آنکه قبریوه نئچه یول نائل اولموشام
اما اورکده وار گینه شوق لقا جواد
.
.
لطفون اگرچه شامل حالیم اولوب آقا
زهرایه آند اولا گینه قلبیم دولوب آقا
بیر باخ بهار عمرومه غمدن سولوب آقا
ایسته زیارته ، سنه جانیم فدا جواد
.
.
“شیدا ” الینده دفترینی طوره اوخشادار
یازدوقجا کلمه کلمه سینی نوره اوخشادار
اما قاپوندا چون اوزینی موره اوخشادار
ایله بو موره همچو سلیمان عطا جواد
.
.
#جوادیه_جوادیه_مدح #محمدرضاصادقی #ترکی #زبدةالاشعار