حب الوطن من الایمان
–
✍️ زبدة الاشعار ✍️
?: @nohe_torki
–
حاج نادر بابایی
–
سوزومین مطلعینی ایلدیم عنوان وطنه
ایستدیم حقدن ازل یازماقا امکان وطنه
–
باخ بصیرتله اونا لاله بیتوب هر یرینه
قاره تپراقلار اولوب صحن گلستان وطنه
–
بذل ائدوبدور شهدا قانی اونا عزوشرف
ساخلادی بیرق اوچ رنگیمیزی قان وطنه
–
بو قرا تپراقینون هر قدمی جان آپاروب
اولدی رزمنده لرون خدمتی شایان وطنه
–
نه گوزل سوزدی بو سوز ختم نبوت بویوروب
امتین حبی روادور من الایمان وطنه
–
مرزبانان خصوصینده ئوزی زین العباد
بویوروب کیمسه گجه اولسا نگهبان وطنه
–
اجرینه چاتماز اونون مین گجه نون نافله سی
چونکه راحت یوخونی ایلیوب احسان وطنه
–
آی بو جانیم اولا قربان او گئدنلر جانینا
بذل ائدوب جانینی چوخ صاحب وجدان وطنه
–
اولسا گر وحدتیمیز مملکت آباد اولاجاق
نسل آینده باخار فخریله ایران وطنه
–
غبطه ایلر بیزیم احوالیمیزه اهل مجوس
ال اله وئرسه اگر امت قرآن وطنه
–
قویمیون یوردومیزی تا دوشه اغیار الینه
گله نامحرم ایاقی ورا جولان وطنه
–
قورخ او گوندن که سالا تفرفه دشمن آرییا
اولاجاق اوندا ئورک منزلی شان شان وطنه
–
متفق اولسوق اگر داعش و وهابی ندی
هرز علف تک بیچیلر،ریشه خذلان وطنه
–
فاطمه اوغلیدی بو رهبریمیز سید علی
خالق ایلوبدور اونی صاحب فرمان وطنه
–
کیم اونون چیخسا یولوننان دوشه جک مزبلیه
بله بیر قومین اولار تحفه سی خسران وطنه
–
گجه کچدی یاریدان (نادر)ئوزون ایله دعا
یوسف فاطمه گلسون بو پریشان وطنه
–
#حماسی #وطن #رهبر
#نادربابایی
#سوزومین_مطلعینی_ایلدیم_عنوان_وطنه
#ترکی
–
✍️ #زبدةالاشعار ✍️
?: @nohe_torki
نظر دهید