زبانحال حضرت زینب (س) به حضرت رقیه (س)
.
خسرو خسروشاهی
.
.
فلک اجل آدینی ایلدی بهانه قزیم
خدنگ ظلمینه ائتدی سنی نشانه قزیم
.
باخاندا سن دولانان یرلره اؤرک دوزمور
گوزومده اشگیم اولور سیل تک روانه قزیم
.
کیمه شکایت ایدوم دردیمی دیوم آخر
که سندن آیری سالوب گردش زمانه قزیم
.
او یاره لی بدنیله او خسته جانیله
او توپراق آتدا نجه ائتدون آشیانه قزیم
.
منیم بهاریمی باد ستم خزان ایلدی
چتیندی بیرده گیدم سیر گلستانه قزیم
.
دیوب گولوب دانشاردیم سنون حیاتوندا
که گلمزیدی بیله ئولماقون گمانه قزیم
.
نجه من آغلامیوم پر شکسته بلبل تک
جفا الیله گیدوب گلشنیم خزانه قزیم
.
سنه بو جمع پریشان او قدر آغلاموشوخ
دونوبدی سیل تک آخان اشگ دیده قانه قزیم
.
مذمت ایلمز آخر دل اهلى اولسا منی
غمونده دونسه اگر قامتیم کمانه قزیم
.
ئوزون غریب مکانون خرابه دور یری وار
شرار آهیم اگر اود سالا جهانه قزیم
.
غم ائتمه کاخ یزیدی یخار سنون آهون
بو خردا قبر قالار لیک جاودانه قزیم
.
منیله همدم اولوب آغلادی دیدی « خسرو »
فلک اجل آدینی ایلدی بهانه قزیم
.
#حضرت_رقیه #خسرو_خسروشاهی #حضرت_رقیه_شهادت #ترکی #زبدةالاشعار
زبدة الاشعار 
: @nohe_torki . حاج علیرضا امانی اردبیلی . سوزوم دیلیمده یانار کن گزیر دوداقدان اوزاقدا او دور دوداقدان اوزاق سوز قالار قولاقدان اوزاقدا . قاراندلق گئجه نین دهشتینده اویماقی سئو دیگ یاناربیشتر
نظر دهید