الوداع ای ماه غفران الوداع #رمضانیه_وداع_رسول_بابایی

وداع با ماه مبارک رمضان
.
.
رسول بابایی (شاهد زنجانی)
.
.
الوداع ای ماه غفران الوداع
الوداع ای ماه تابان الوداع
الوداع ای مهر رخشان الوداع
الوداع ای ماه سبحان الوداع
.
.
ای بیزی بو آیدا ارشاد ایلین
ای ئورکلر ملکون آباد ایلین
ای ئولنلردن گوزل یاد ایلین
ایلوری دیل سندن الان الوداع
.
.
یوخ ئورکده طاقتیم آیریلماقا
قویموشام یوز حسرتیله تپراقا
سسلورم ای حجت حق گل آقا
اوِلموشام من دیده گریان الوداع
.
.
گئچدی عمروم قورتاروب ماه صیام
یوخدی دیزده طاقتیم ایلوم قیام
تشنه مولایه واروم دیلدن سلام
اولدی دیلدن سینه سوزان الوداع
.
.
من کیمی مهمانی دلدار ایلدون
هر غمه دلداری غمخوار ایلدون
نفس شیطانی بوآی خوار ایلدون
ای اولان چوخ درده درمان الوداع
.
.
آیریلقدان آهیله دل داغلارام
اشک حسرت بو عذاره باغلارام
وار گناهیم من ئولونجه آغلارام
اولمادیم من یاخشی مهمان الوداع
.
.
ای خدا عفو ایله سن مهمانلاری
لطف ائله قوی آرتا تا ایمانلاری
ساخلا ایمنده قوی وجدانلاری
قالمیوب چوخلاردا وجدان الوداع
.
.
بو آیون شوقی اورکلرده قالوب
حیف اولا مهر و محبت آزالوب
بیر وداع چوخ دیللری درده سالوب
سویلیوب شاه شهیدان الوداع
.
.
کربلاده بیر وداع ائتد‌ی حسین
خیمه لرده قوپدی ناگه شوروشین
آغلاشوب قیزلار و بیرده زینبین
سسلنوبلر یاحسین جان الوداع
.
.
آج سوسوز دوشدی یولا سالار دین
ئوپدی بیر بیرقزلاری اول مه جبین
بیر بالا چوخ ایلدی داد و انین
سویلدی قلب اولدی القان الوداع
.
.
ای بابا دنیانی سنسیز نیلورم
جانیلن جانانی سنسیز نیلورم
دیده ی بینانی سنسیز نیلورم
ای شهید راه قرآن الوداع
.
.
لطف قیل بو جمعه ای شاه ولا
اکبره خاطر بیزه وئر کربلا
شاهده ایله نظر ای با وفا
سوزیازوب اولسون غزلخوان الوداع
.
.
#رمضانیه_وداع #رسول_بابایی #رمضانیه #ترکی #زبدةالاشعار