بابا ای شه عطشان هانی بس عموم عباس #عباسیه_عینی_فرد

سؤال جناب سکینه از بابا
در شهادت قمر بنی هاشم
..
..
عینی فرد زنجانی
..
..
بابا ای شه عطشان هانی بس عموم عبّاس
سکینه سنه قربان هانی بس عموم عبّاس
..
..
سو قولى منه ویردى الین مشکه آتاندا
چخوب مرکبون اؤسته اولوب عازم دعوا
فراتی آلارام من بویوردی بالا قورخما
اوزاخلاشدی او اصلان هانی بس عموم عبّاس
..
..
سوسوزلار منى مأمور ایدوب بیله سؤاله
بویور هاردا عموم بس مگر دوشدی نه حاله
جمالونده سالوبدی بابا غم نیه هاله
دی ای مهر درخشان هانی بس عموم عبّاس
..

خیامه ندى الده؟ بابا حمل ایلیورسن
بو حالوندن عیاندور غمون ایندی بویورسن
درِ درد و بلانی سرشگیله دُؤیورسن
نه دور غصّۀ پنهان هانی بس عموم عبّاس
..
..
بابا قانلی علم وار الونده نه خبر وار؟
علم قانه باتوبدور مگر نولدی علمدار
لوادار و لوایه گوزون بیر بیله آغلار
الیوه دوشوب هاردان هانی بس عموم عبّاس
..
..
بشیکده علی اصغر بابا آز قالوب ئولسون
آنامدان بابا تاب و توانی آلوب ئولسون
یرین گوز قاباقندا گورردوم سالوب ئولسون
منه سویله باباجان هانی بس عموم عبّاس
..
..
بو مشگی که الونده اولوب پاره کیموندی
قان آغلور ایله بل که سوسوزلاره کیموندی
بابا نسبتی واردی علمداره کیموندی
بو مشگ ای شه عطشان هانی بس عموم عبّاس
..
..
گوزون یاشی گوزونده ندن قانه دونوبدی
بو حالدا سنی گوردوم ئورگیم دُؤیونوبدی
علم تپراقون اؤسته دیرسن سورونوبدی
دوشوبدور عموم آتدان هانی بس عموم عبّاس
..
..
..
#عباسیه #عینی_فرد #عباسیه_شهادت #ترکی #زبدةالاشعار