یا حسین دردی اولانلار بورا درمانه گلوب #شب_عاشورا_اخگر_مراغه_ای

شب عاشورا
..
..
..
..
اخگر مراغه ای
..
..
..
..
یا حسین دردی اولانلار بورا درمانه گلوب
یولچی تک بو قاپودان پای آلا احسانه گلوب
..
..
..
..
ائتمشوخ شمع عزا الده مهیا بو گئجه
ایلیاخ صبحه کیمی تعزیه برپا بو گئجه
ناامید ائتمه قاپوندان سنی زهرا بو گئجه
الى الدن اوزولن وار در سلطانه گلوب
..
..
..
..
بو گئجه صحبت آچوب لیلی علی اکبریلن
ننه حسرتله باخور اوغلونا چشم تریلن
درد دل ائتسون اوغول خلوت ائدیب مادریلن
عشق معراجینه بی واهمه مستانه گلوب
..
..
..
..
صبح آچلسا آخاجاق گؤزیاشی لیلا یوزینه
گورسه قان اکبرینون سرمه چکوبدور گوزینه
دیه جک بو سؤزی آغلار گوزیله ئوز ئوزینه
شعله چک شمع وفا یانماغا پروانه گلوب
..
..
..
..
صبح آچیلسا اولاجاق قانلی منا کرب وبلا
قاسمین حجله گهین ایلیه جاق بزم عزا
نو عروسین اولاجاق بختی کیمی رختی قرا
غم غم اوستن نئجه گور سینۀ سوزانه گلوب
..
..
..
..
صبح آچلسا اولاجاق کرب وبلا لُجّۀ خون
نهر علقمده اولار باغ کرم سروی نگون
هامو غمدن اولاجاق محنت عبّاس فزون
مرتضانون بالاسی جنگ ائده مردانه گلوب
..
..
..
..
صبح آچیلسا اولاجاق گردش ایام خراب
حرمله ایلیه جاق دور دل زهرانی کباب
مفتی عشقه مُقلّددی بو سوداده رباب
اولا الگو روشی مکتب ایمانه گلوب
..
..
..
..
صبح آچلسا بیلورم گلشن زهرا سولاجاق
ننه لر باغرى یانوب غصّه لنوب قان اولاجاق
صود امر اوخلاناجاق قنداقینا قان دولاجاق
آلتی آیلیق بالادا بیر بئله بحرانه گلوب
..
..
..
..
صبح آچلسا اولاجاق کرب وبلا وادی طور
تاپاجاق موسی زهرا دل میداندا حضور
یاندیرار خیل شیاطین شبی آیۀ نور
دست حق نصرت ائده مکتب قرآنه گلور
..
..
..
..
کعبۀ صدق و صفا سرّ عفاف ملکوت
گوردی اسلامی ائدیب ملعبه الده طاغوت
بیلدی اسلامه خیانتدی اگر ائتسه سکوت
ذوالفقار الده حسین قان وئره میدانه گلوب
..
..
..
..
قتل و غارتده دؤزوب بسکه دایاندی آنالار
تازیانه اوتونا یاندیلا یورقون بالالار
هر یره قمچی دگر شدت ضربه یارالار
سالکان اموی ظلمده طغیانه گلوب
..
..
..
..
«اخگرم» لطف خدا سیر حیاتیمدا منیم
خلق ائدیب عشق حسینی اودی ذاتیمدا منیم
که بو عشق عامل اولار حشر نجاتیمدا منیم
بو ئورک سؤزلرینی ثبت ائده دیوانه گلوب
..
..
..
..