ارکان دینی ایتدیلر ویران بو آیدا #ورود_محرم_تابع_تبریزی

ورود ماه محرم الحرام
..
..
..
سبک ها #سبک_یا_فاطمه_من_عقده_دل_وا_نکردم … #سبک_ای_درد_بی_درمانلارا …
و با اضافه کردن واگیر :
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
..
..
..
مرحوم تابع دین
..
..
..
ارکان دینی ایتدیلر ویران بو آیدا
چوخ ظلم ایدوبدور فرقۀ عدوان بو آیدا
..
عرش خداده باشلانوب ماتم حسینه
عصرین امامی آغلوری هر آن بو آیدا
..
..
..
بو آی او آیدی نالیه گلمیش ملکر
بو آی او آیدی ماتمه باتمیش پیمبر
ایوای اوغولوای سسلنور زهرای اطهر
جننده ایلر فاطمه افغان بو آیدا
..
..
..
بو آیدا گلدی شاه دین دشت بلایه
بو آیدا دوندی کربلا کوی منایه
بو آی ویریلدی شاه دین باشی جدایه
نوک جداده ذکر ایدوب قرآن بو آیدا
..
..
..
بو آیدا کسدی سو یولون آل امیه
گوزیاشی گوزده نالیه گلدی رقیه
ظلمون یتیردی بیر یره اشرار کینه
قالدى بنات مصطفا عطشان بو آیدا
..
..
..
عالملری قان آغلادور اصغر آناسی
یوخدور سودی لای لای دیور یاتمیر بالاسی
عرشه اوجالمیش خیمه دن لای لای صداسی
بلبل تک ایلور اهل بیت افغان بو آیدا
..
..
..
بو آیدا اذن جنگ آلوب شهزاده کبر
شبه رسول اکرمه ال تاپدی لشگر
گوردی علینون نعشینی لیلای مضطر
گویا قیزیل گل تک اولوب خندان بو آیدا
..
..
..
بیرطوی دوتولدی قاسمه کرب و بلاده
اولماز نظیری اول طویون دار فناده
قان آغلاسون گوزلر گرک بو ماجراده
طوی حجله گاهین ایتدیلر ویران بو آیدا
..
..
..
بو آیدا ظلمیله یاتوب سقا لواسى
عالملری حیران قویوب مهرو وفاسی
اوخ مشگه دگدی دلده آرتوب ابتلاسی
دولدوردى سوتک مشگینه آلقان بو آیدا
..
..
..
هر دم گله لعنت گوروم شمر لعینه
چندی بو آیدا چکمه لی شه سینه سینه
سالدی ستمله ولوله عرش برینه
افلاکیانی ایلدی نالان بو آیدا
..
..
..
سلطان دین نوش ایلدی جام شهادت
آل عبایه آچدی ال اهل ضلالت
لشگر توکولدی خیمه گاهی ایتدی غارت
اولدی اساس سلطنت تالان بو آیدا
..
..
..
من تابع دین تاپمورام غمدن فراغت
نظم ایتماقا بیر شرح غم یوخ الده فرصت
آگاه سوز من ایلرم صدقیله خدمت
شاها منه بیر فرصت ایت احسان بو آیدا
..
..
..
#ورود_محرم #تابع_تبریزی #ترکی #زبدةالاشعار