یاندیرور عالملری شبه پیمبر غمی #اکبریه_کاتب_اردبیلی

حالات حضرت على اکبر (ع)
..
..
..
..
#سبک_ای_دل_اگر_عاشقی … #سبک_ای_شه_لب_تشنگان
#سبک_میگذرد_کاروان (با اضافه کردن واگیر مناسب)
..
..
..
..
مرحوم کاتب اردبیلی
..
..
..
..
یاندیرور عالملری شبه پیمبر غمی
برج امامتده کی مهر منوّر غمی
..
..
..
..
حسنده اولماز نظیر یوسف کنعان اونا
مین ائله یوسف اولور تابع فرمان اونا
حضرت جبریل دور خادم ایوان اونا
اولدی غمینده فزون جمله ملک لر غمی
..
..
..
..
عالمه گلمز داخی بیرده بئله مه لقا
خَلقاً و خُلقاً اولا شبه رسول خدا
کان حیا و ادب گوهر درج وفا
یاندیری بیجا دگل عالمی یکسر غمی
..
..
..
..
من نه دلیله دیوم خلق خصالین اونون
دلده او یارا هانی وصف ائده حالین اونون
هانی او گوز درک ائده حسن جمالین اونون
تا بیله نه نوعیدی لیلی مضطر غمی
..
..
..
..
مظهریدی حُسنیده حضرت پیغمبره
وارثیدی رزمده شیر خدا حیدره
حیف اولا چوخ چوخ یارا یتدی او مه پیکره
اگدی جوانلار قدین اول مه انور غمی
..
..
..
..
آه او زماندان گوروب شیعه او عالی نسب
خیمه لر ایچره قالوب اهل حرم تشنه لب
گلدی امام زمان محضرینه با ادب
اذن جهاد ایستدی آرتوب او سرور غمی
..
..
..
..
الغرض اذن جهاد آلدی او کان وفا
شوقیله اولدی روان ائتمگه جانین فدا
بیر نچه سرکرده نون ایلدی عمرین فنا
اولدی فزون زاده ی سعد بداختر غمی
..
..
..
..
حکم عمرسعدیله چالدى قوشون طبل جنگ
آلدیار اطرافینی ایلدیلر عرصه تنگ
اوخلاری یاغدیردیلار قوم عدو بی درنگ
وحش طیوری اونون قیلدی مکدّر غمی
..
..
..
..
یاره دگوب جسمینه قالمادی تاب توان
زخم دم تیردن چشمه کیمی آخدى قان
دوشدی آت اوستن یره وئردی قوری یرده جان
حدّ دن آشدی او گون عترت حیدر غمی
..
..
..
..
ائتمه داخی کاتبا بوندان علاوه رقم
قیلدی بو درد و محن قامت احبابی خم
مقطعه یاز مطلعی نالیه گل دمبدم
یاندیرور عالملری شبه پیمبر غمی
..
..
..
#اکبریه #کاتب_اردبیلی #اکبریه_شهادت #ترکی #زبدةالاشعار