یخلوب حسین یارالی گل اماندی یا محمد #غارت_خیام_میرزایی_زنجانی

رجز عصر عاشورا
..
..
..
..
میرزایی زنجانی
..
..
..
..
یخلوب حسین یارالی گل اماندی یا محمّد
بالالاری خیمه گاهی اودا یاندی یا محمّد
..
..
..
..
سن اوپردون ای پیمبر بو حسین دوداقلاریندان
او سن اوپدوگون دوداقلار نجه گور ویروب سوسوز جان
قالوب ایستی قوملار اوسته بدنی یارالی عریان
کفنی یوخ ایندی غسلی اونا قاندی یا محمّد
..
..
..
..
دئ بیر اوز آناسی زهرا اوزی کربلایه گلسون
دیسون ای سوسوز اوغول وای آناسی عزایه گلسون
گتی سین کفن حسینه بو زمان هرایه گلسون
یارالی بدن کفنسیز گونه یاندی یا محمّد
..
..
..
..
یل اسوب هوا قارالدى باشا کول سوووردی عالم
دیور عرش و فرش حسین وای اوجالور نوا دمادم
بیله آغلاشور ملکلر متزلزل عرش اعظم
اَلَنور هوادن هردم یره قاندی یا محمّد
..
..
..
..
یخلوبدی قولسوز عباس اونا قانلو پرچم آغلار
یخلوبدى علقم اوسته اونا نهر علقم آغلار
قلم اولموش ایکى اللر قان ایچینده باهم آغلار
گنه تشنه لردن الله نگراندی یا محمّد
..
..
..
..
سنه بنزین جوانون او گوزل علی اکبر
بله دوغرانوب وجودی چو قزل گل اولدی پرپر
اونا آغلیاندا لیلا باخوب آغلیار ملکلر
هامی یاندان اکبریم وای اوجالاندی یا محمّد
..
..
..
..
علی اصغرین بوغازی اولوب اوخلارا نشانه
بیله قوش کمی ویروب جان بویانوب قماطی قانه
دیوب آغلیور بالام وای بو آناسی یانه یانه
سو تاپولمادی ایچوب قان سوئی قاندی یا محمّد
..
..
..
..
#غارت_خیام_میرزایی_زنجانی #ترکی #زبدةالاشعار #عاشورا #حسینیه #حسینیه_شهادت