ناقه دن من دوشموشم گئتمه دایان ای عمه جان #راه_شام_رضوی_زنجانی

راه شام
..
..
..
..
رضوی زنجانی
..
..
..
..
ناقه دن من دوشموشم گئتمه دایان ای عمّه جان
قورخولی صحراده قلبیم اولدی قان ای عمّه جان
..
..
..
..
بیلمورم مندن نیه بو تئزلیگه دویدون بی بی
رخت مهر و اُلفتى تندن نیه سویدون بی بی
نیلمیشدوم من سنه یرده منی قویدون بی بی
بو قیزی بیر یادیوه سال الامان ای عمّه جان
..
..
..
..
گون باتوب ظلمت گئجه وحشتلی چؤل یوخ دادرس
بیر بئله وسعتلی چول اولموش منه غملى قفس
کاروان کوچ ایلیوب گلمور داخی بانگ جرس
من یتیمم ایلرم آه و فغان ای عمّه جان
..
..
..
..
ای نشان فاطمه گل گوزلرون قربانیم
گلشن عشق و محبت باغینون ریحانیم
لاله زار کربلانون بلبل خوشخوانیم
سالما گوزدن بو قیزی ای مهربان ای عمّه جان
..
..
..
..
عمّه جان سالدون منی چوخ تئز نظردن آغلارام
دوتموسان هیچ بیر خبر بو خونجگردن آغلارام
پیکریم گل تک اسور خوف و خطردن آغلارام
قلبیمی دوندردی قانه ساربان ای عمّه جان
..
..
..
..
سولموشام آگاهیسن چون بیر گل سوسن بی بی
بی کس و غمدیده ام سالما منی گوزدن بی بی
کارواندان دوشموشم بو یرده الآن من بی بی
امر ائله دورسون دایانسون کاروان ای عمّه جان
..
..
..
..
ئولمسیدی اکبریم چوللرده قالمازدیم ملر
سیل تک دامانه آغلار گوزلریم هی اشک الر
باشیمه فکر ایلمزدیم بیر بئله طوفان گلر
پیکریمده قالمیوب تاب و توان ای عمّه جان
..
..
..
..
قالموشام چوللرده من یوخ بیرجه امداد ایلین
یادیمه دوشموش علیّ اصغر غنچه دهن
نه گناه اوسته ائدیبلر من یتیمى بی وطن
اصغریمه اولموشام من نوحه خوان ای عمّه جان
..
..
..
..
#راه_شام #رضوی_زنجانی #ترکی #زبدةالاشعار