گوزوم چوخ آختاروری گل گوروم بابا بو گئجه #حضرت_رقیه_رهبری_تبریزی

زبانحال حضرت رقیه(س) در خرابه شام
..
..
..
..
مرحوم حاج محمود رهبری تبریزی
..
..
..
..
گوزوم چوخ آختاروری گل گوروم بابا بو گئجه
یارالی باشیوه جان ایلیوم فدا بو گئجه
..
..
..
..
سالاندان آیری فلک دوتمیوب یوخی گوزومی
سولوب سارالدوب ایله غصّه گل کیمی یوزومی
خرابیه بو گئجه گل دیوم اورک سوزومی
سبب وار ایلیورم بیر بیله نوا بو گئجه
..
..
..
..
یانقلی دللریله قلب عالمی دَلَرم
سولان بو گل یوزومه گوز یاشین بابا اَلَرم
بولم هایاندا بابا مسکن ایتموسن گَلَرم
سسیمه یوخدی ویرن سن کیمی صدا بو گئجه
..
..
..
..
اگر که زحمت اولار گلماقون یوروبلا سنی
ولیک من بولورم ساخلاسان گوز اوسته منی
یامان گونومدی بابا درک ایدیر اَجَل عَلَنی
رضای حقدی ایله لطفیوی عطا بو گئجه
..
..
..
..
یارالی باشیوی گل سینمه آلوم بابا من
بو خردا قولّاریمی بوینوا سالوم بابا من
خرابه یرده داخی قویما تک قالوم بابا من
اؤزون گل ایله منیم دردیمه دوا بو گئجه
..
..
..
..
هزار آه و نوا واردی خردا قلبیمده
فلک بلایه دچار ایتدی خردا سنّیمده
بیبیم قویار منی قبره بو کوینک اگنیمده
کفن گتور منه سن شاه کربلا بو گئجه
..
..
..
..
نقدری گورمه میشم قانلی باشوی بیرده
آپارام حسرتیمی قبریمه بابا دلده
سنون کیمی ویررم منده جان قوری یرده
ویرر یارالی باشون روحیمه صفا بو گئجه
..
..
..
..
یارالی باشیوی گل سینمه آلوم جان تک
عیالیوی نجه گور در به در ایدوبدی فلک
کفن ایدنده بیبیم زینبه سن ایله کمک
کمک لیق ایت بیبیمه ای شه ولا بو گئجه
..
..
..
..
قابار ایاقلاریله پیشوازیوه گلرم
یقین بودور که بابا قدریوی اوزوم بولرم
یتوب دوداقیمه جان سن گلونجه من ئولرم
سنون کیمی منه یوخ یار و آشنا بو گئجه
..
..
..
..
اورکده واردی سوزوم گلسن ایلرم اظهار
یاتانلاری بو گئجه آهیم ایلمز بیدار
یانور غمومده بیبیم اول اوزون اونا غمخوار
دوتوب خرابه یرین غملی بیر هوا بو گئجه
..
..
..
..
اماندی گل بابا آغلار گوزوم یولوندا قالوب
توان و طاقتیمی فرقتون الیمدن آلوب
جفای شمر و سنان گور منی نه حاله سالوب
مریض عشقوه گل ویر گلن شفا بو گئجه
..
..
..
..
فلک عجب منی گول آچمامیش خزان ایله دی
توکوب عذاریمه گوز یاشیمی روان ایله دی
خرابه شامده ویرانه نی مکان ایله دی
فشار غمدن اجل ایلوری رها بو گئجه
..
..
..
..
دیار کرب و بلایه چتین چیخا ایاقیم
خرابه حشره تک اولدی بابا منیم یاتاقیم
گجه نی صبحه کیمی سینسیدور قابار ایاقیم
قابار ایاقیمه اولسا گتور دوا بو گئجه
..
..
..
..
فدا اولوم سنه ای دختر شه خوبان
بو عاصی «رهبرینی» قبریوه چاغور مهمان
او خردا قبریوه جانیم منیم اولا قربان
دیوم خانم سنه من ساخلورام عزا بو گئجه
..
..
..
..
#حضرت_رقیه #رهبری_تبریزی #حضرت_رقیه_شهادت #ترکی #زبدةالاشعار