ای رقیم ای منیم روح و روانیم دور گئدک #کوچ_شام_غفاری_زنجانی

کوچ از شام
زبانحال حضرت زینب (س)
..
..
..
..
غفاری زنجانی
..
..
..
..
ای رقیّم ای منیم روح و روانیم دور گئدک
عزم ائدوب کرب و بلایه کاروانیم دور گئدک
..
..
..
..
دور ایاقه ای عزیزیم یادگار قارداشیم
راضی اولما بوندان آرتوق سیله دونسون گوز یاشیم
کاروانی لنگه سالما ای منیم یول یولداشیم
گلمسون عرشه چیخار آه و فغانیم دور گئدک
..
..
..
..
قویما بی کس عمّه وی چوخ درد و غم دلدن سالا
ای وطن آواره سی ئوز شهرینه حسرت بالا
دور قوشول بو آهوان یثربه قالما دالا
گور ملور سنسیز نئجه بو آهوانیم دور گئدک
..
..
..
..
ای منیم آهو باخیشلی نازلی شیرین دل بالام
قول وئرمیشدیم سنه بو عهدیمون اوسته وارام
یثربه گئتسم سنه من اوردا گوشواره آلام
عهدیم اوستونده وارام تا واردی جانیم دور گئدک
..
..
..
..
آچ گوزون یوخدور عزیزیم اوچولار صیادلر
اولدولار خوار و خجالت رحمسیز جلادلر
ظلم ائوین ویران ائدوب بو سینه ده فریادلر
واردی حقّه حمد و شکر بیکرانیم دور گئدک
..
..
..
..
آچ گوزون قورخما بالا یوخ زجر کافردن خبر
تازیانه الده یا شمر بداختردن خبر
خولیدن یا حرمله پست و ستمگردن خبر
ای ئولن الده منیم زهرای ثانیم دور گئدک
..
..
..
..
گرچه یوخ خوش خاطرون یوللاردان ای شیرین سخن
بو غمون چیخماز یادیمدان ای صفای انجمن
چولده قالدون آغلادی احوالووه دشت و دمن
واردی قلبیمده اودور سوز نهانیم دور گندک
..
..
..
..
بیلمورم چکدون نه لر اول قورخولی چوللرده سن
پابرهنه قاچدون از بس که قرانلوق یرده سن
قلب زار زینبی گتدون بو غمده درده سن
چوخدی دلده ای بالا درد گرانیم دور گئدک
..
..
..
..
جمع اولوب چولده گزن آهولر آغلاردی سنه
بوتۀ غمده نهان تیهولر آغلاردی سنه
محمل اوسته شامه تک مهرولر آغلاردى سنه
بو سوزه شاهددی بو اشک روانیم دور گئدک
..
..
..
..
ترک ائدوم آیا نئجه من ای گل زیبا سنی
گوزلیور مدّتدى یثربده باجون صغرا سنی
نیلیوم مندن سوروشا گر او مه سیما سنی
جدّیمون شهرینه وار چوخ ناگرانیم دور گئدک
..
..
..
..
نیلیوم تای توشلارون آلسا خبر مندن سنی
کیمسه بیلمور قمچیلر سالدى بئله دلدن سنی
غصّه مرگ ائتدی آنام زهرا کیمی دشمن ستی
ئولدی اللرده منیم اول مهربانیم دور گئدک
..
..
..
..
عالم معناده آغلار حالووه زهرا آنام
هم منه آغلار یقین صدیقۀ کبرا آنام
حشریده «غفارینی» ایلر ندا عذرا آنام
جنّته بو قبریدن آی نوحه خوانیم دور گئدک
..
..
..
..
#کوچ_شام #غفاری_زنجانی #ترکی #زبدةالاشعار