وار دلده اگر غم غم هجراندی حسن جان #حسنیه_دلپاک

زبانحال امام حسین (ع)
به امام حسن (ع) در بقیع
..
..
..
رضا غلامپور (دلپاک)
..
..
..
وار دلده اگر غم غم هجراندی حسن جان
هجرینده حسینین اورکی قاندی حسن جان
..
..
..
..
اصل عمل سجده دی مسجوده سجودون
تا واردی آزالماز بو جهان رونق جودون
چون بذر گل گلشن جاناندی وجودون
قبرون بو سبب صحن گلستاندی حسن جان
..
..
..
..
نشر سخن ناشره منشوریدی قبرون
منظومهٔ حریته منظوریدی قبرون
سینای جلالتده عجب طوریدی قبرون
واله بو یئره زادهٔ عمراندی حسن جان
..
..
..
..
بو قبر چکیب سینیه بیر اصل صفاتی
کیم باخسا بصیرتله تاپار راه نجاتی
حیران ائدیب اوز جلوه سینه آلتی جهاتی
چون قبر دگول روضه رضواندی حسن جان
..
..
..
..
سن تک بیری گرداب ملاله بئله باتماز
بیر کیمسه گوزوندن سنه تای عالمی آتماز
مظلوم چوخ اولار دهریده بیر کس سنه چاتماز
بیر درد نهان بو غمه برهاندی حسن جان
..
..
..
..
زواریوه بو یئرده وئرر یوز غم و محنت
چون قبریوی راحت ائده بولمزله زیارت
آهسته ائدیب ناله دوشلر یولا حسرت
سویلله بو محنت مگر آساندی حسن جان
..
..
..
..
بس غملر الیندن اورکین پر محن اولدی
اوز منزلین آخر سنه بیت الحزن اولدی
کیم سن کیمی عالمده غریب وطن اولدی
عالم هامی بو غربته حیراندی حسن جان
..
..
..
..
جاندان سنی بو قبره قویان لحظه ده دویدوم
جان خرقه سینی قامت تندن اودی سویدوم
سنلن بو مزار ایچره صورا روحیمی قویدوم
قبرون بو سبب قارداشیوا جاندی حسن جان
..
..
..
..
مین محنت و آلامیله قارداش سن ئولندن
چون شمع وجودوم آلیشیر نار محندن
هر کیمسه گورور سویلوری بو حالتی مندن
گویا کی حسین شمع شبستاندی حسن جان
..
..
..
..
عمرومجه گرک گویلومی هجرون غمه سالسین
اندیشه ی غم طاقتیمی قلبیدن آلسین
سندن صورا دنیاده حسینون نجه قالسین
دنیا منه سندن صورا زنداندی حسن جان
..
..
..
..
بو تیر اجل کی بئله دگدی سنه قارداش
ای کاش سنه دگمیدی دگیدی منه قارداش
افسوس اولا قبر ایچره رخ سوسنه قارداش
یا بیر لبه کی لالهٔ نعماندی حسن جان
..
..
..
..
من وارث رزمندهٔ میدان حنینم
سن تک آنامیز فاطمیه نور دو عینم
سس وئر سسیمه گویلومی آل غملی حسینم
هجرینده حسین حالی پریشاندی حسن جان
..
..
..
..
هنگامهٔ غم لعل لبوندن قان آخاندا
گوزیاشین اورک سرّینی رخساره یاخاندا
کیم بولدی نه لر چکدی حسین طشته باخاندا
سویلوبدی ندن طشتّ دولی قاندی حسن جان
..
..
..
..
نامحرم اولوب محرم اسرار ملالون
آخر سنه بیر زهر جفا وئردی عیالون
تا ایچدون او زهری سارالیب رنگ جمالون
ای وای منه اود دوتدی دلین یاندی حسن جان
..
..
..
..
سولدون داخی گل تک اثر خاریله خسدن
قوش تک اورکین تنگه گلیب غملی قفسدن
القصه سنی زهر جفا سالدی نفسدن
یانمیش جگرون سینه ده دوغراندی حسن جان
..
..
..
..
بیر گون دوشرم منده یقین دام بلایه
سن تک هدف اولام بولورم تیر جفایه
حاصل بو وطندن گئدرم کرببلایه
نه کرببلا وادی عرفاندی حسن جان
..
..
..
..
باش دشمنه خم ایلمرم دشت بلاده
ایفا ائدرم عهدیمه مأوای وفاده
گلسن گورسن قارداشوین کرببلاده
شانه کیمی بو پیکری شانشاندی حسن جان
..
..
..
..
گورسن کی توان خسته وجودونده دایانمور
اودلی نفسی ایسی هوادن دم آلانمور
یا دل قورویوبدور داخی آغزیندا دولانمور
بول قتلگه عشقیده عطشاندی حسن جان
..
..
..
..
دریای غم و غصه ده امواج محنده
زینب غم بی حدّیله تلّ اوستن أننده
غمدن بوکولر قامتی گوداله گلنده
گوررم گوز آچاندا گوزو گریاندی حسن جان
..
..
..
..
اولسون نظرون موقع محنت بو بیانه
هر چند سببدور محنی اشک روانه
صحرای بلاده باش آچیب گلمه فغانه
گورسن کی حسین قانینا غلطاندی حسن جان
..
..
..
..
بیر عدّه ره ملک خراسانده وئریب جان (1)
بیر نوعی کی دلپاکی ائدیب غملری نالان
اجر بو سوزی کی ائلدی بو گجه عنوان
اول عده نون ارواحینه احساندی حسن جان
..
..
..
..
(1)تاریخ نگارش (۱۳۹۵/۹/۱۵) ایام تلخ تصادف قطار تبریز مشهد (آذر 1395)
..
..
..
..
..
#حسنیه #دلپاک #حسنیه_شهادت #ترکی #زبدةالاشعار