بیر گل ایلیوب گلشن طاهانی معطر #حسنیه_صالح_تبریزی

ولادت حضرت امام حسن مجتبی علیه السّلام
..
..
..
..
صالح تبریزی
..
..
..
..
بیر گل ایلیوب گلشن طاهانی معطّر
غبطه او گله گُلبُن یاس و سمن ایلر
..
گل تک اؤپوب ایگلر گل رخسارنی زهرا
شوقیله تماشا حسنه، بوالحسن ایلر
..
اندامی حسن، حُسنی حسن، نازی حسندور
مین لعل لبی، شیرین او شیرین دهن ایلر
..
من عاشق و مفتون حسین اولموشام امّا
دیوانه منی عشق امام حسن ایلر
..
کنعانده بو ماه دل آرایه تماشا
ائتدوقجا، فرح یوسف گل پیرهن ایلر
..
عالم دولوسی گوهری قیمتده بو گوهر
بازارده بی ارج و بها و ثمن ایلر
..
عشقینده بو زهرا گولونون، عطر فشانی
یاس و سمن و یاسمن و نسترن ایلر
..
دل طایرنون بال و پرین، جان قفسنده
بیر نیمه نگاهیله دچار رسن ایلر
..
«صالح» دیلیوه کلمۀ من گلمسه خوشدور
عارفلری گمراه و زبون حرف من ایلر
..
اظهار ایله درد دلوی میر ولایه
هر درده دوا، لطف امام حسن ایلر
..
..
..
..
#حسنیه #صالح_تبریزی #ترکی #زبدةالاشعار #حسنیه_میلادیه