عزای صادق آل عبادی یا زهرا #صادقیه_غفاری_زنجانی

حالات امام جعفر صادق علیه السلام
..
..
..
..
غفاری زنجانی
..
..
..
..
عزای صادق آل عبادی یا زهرا
تمام یر یوزی ماتم سرادی یا زهرا
..
رئیس مذهبه شیعه دوتوب بوگون ماتم
اورکده غم هامی غرق عزادی یا زهرا
..
آچوبدی باشینی غمدن بوگون رسول خدا
ملول جمله بوگون انبیادی یا زهرا
..
تمام انس و ملک ایلیور نوا آغلور
اوجالان عرشه بویردن نوادی یا زهرا
..
امام صادقی مسموم ایدوبله زهریله
که درده میر هدا مبتلادی یا زهرا
..
یتشدی حاکم ظالم الینده قتله بالان
مگر بو ظلم اونا آخر روادی یا زهرا
..
همیشه لعنت یزدان اولا او منصوره
خدا بیلور او نجه بی حیادی یا زهرا
..
نقدر ظلم ایلیوب اوغلووا اوخانه خراب
غم آتشنده ایدوب قلب ماسوانی کباب
..
یازان زماندا قلم بو یانوقلی عنوانی
گتوردی نالیه بو ماجرا احبّانی
..
یازوبدی منتهی الآمالیده که شیخ عباس
مفصلاً او ویروب شرح بو قضایانی
..
گیجه لرون بیریسنده اوظالم و خونخوار
غلامنی چاقوروب ویردی ظلم فرمانی
..
گیدوب حضوره گتور جعفری دیوب الان
بویرده حاضر ایله یعنی سبط طاهانی
..
دیور غلام یتشدوم حضور انورینه
دوروب نمازه نه گوردوم که من او مولانی
..
باشینه باغلیوب اول مقتدا آغ عمامه
ایدوبدی نور جمالی جهانی نورانی
..
دیدوم آقا منی مأمور ایدوبله معذورم
سنی حضوره ایدوب دعوت حاکم جانی
..
بویوردی حضرت صادق ویرون بیر آز مهلت
نماز ایدوم چاقوروم داده حیّ رحمانی
..
غرض امام ایکی رکعت او دم نماز ایلدی
دوتوب سمایه یوزون حقه عرض راز ایلدی
..
دیوبدی درد دلون ذات کردگاره امام
او چاره سازیدن آلسون بو درده چاره امام
..
خلاصه گلدوخ حضور او حاکم شومه
گوزی دوشنده او لحظه امام مظلومه
..
ال آتدی قبضه ی شمشیره اول جفا کردار
غلافیدن چیخادوب تیغ تیزی بیر مقدار
..
بوئیدی فکری امامی شهادته یتوره
فغان و نالیه زهرانی غصه دن گتوره
..
غلافه قویدی گنه تیغینی او کینه شعار
ایدوبدی بو عملی نچه مرتبه تکرار
..
دیدوم من ئوز ئوزومه بونه ایشدی یاللعجب
سوال قیلدیم ئوزوندن ندور بو امره سبب
..
لزومی یوخدی دیدی سندن ایلیم پنهان
واریدی قصدیم ایدم قانه جعفری غلطان
..
غلافدن ایلکه تیغ تیزی چکدوم من
برابریمده رسول خدانی گوردوم من
..
منه باخوبدی او حضرت کمال هیبتیلن
وجودیم اسدی او ساعت تمام وحشتیلن
..
خیال عالمی فکر ایلدیم بو جریانی
الیکی قصدیله چکدیم بو تیغ برّانی
..
دوباره حضرت طاهانی ایلدیم رویت
عتابیله منه فرمایش ایتدی اول حضرت
..
گوتور الین بو بالامدان ایا جفا پیشه
و یا که ورام ئوزوم نخل عمروه تیشه
..
اودور اسور بدنیم مثل برگ لرزانم
جسارتیمدن اونون اوغلونا پشیمانم
..
بو یرده خاطر محزونمه گلوب بیر سوز
قلم یازا بوسوزی آغلیا گرک ایکی گوز
..
گوز آغلیا اورگیمدن چخا دمادم آه
دیم یانا یانا آهیله یا رسول الله
..
هایاندا قالموشودون ای حبیب ذات خدا
هرایه گلمدون علت نئیدی عاشورا
..
حسین سینه سینه شمر دون چخان وقته
الینده خنجری اسلام ایوین یخان وقته
..
اوسینه که یاراسی هامی سینه دن چوخیدی
او پیکری که اونون یاره سیز یری یوخیدی
..
او سینه که داغلان بوستانه بنزردی
یارالاری گل برگ خزانه بنزردی
..
او سینه که شرفی آسماندان افضلیدی
چاتوبدی باش باشا اوخ نیستانه بنزردی
..
ایا قی چکملی چخدی اوسینیه قاتل
اولوب خدا و پیمردن اول دنی غافل
..
یتشدی قتلگهه توکدی باجی گوزدن یاش
آلا او قاتل الیندن حسینی ایتدی تلاش
..
ال آتدی خنجر شمره ایدوب خطر احساس
ئوزون هرایه یتور هارداسان دیدی عباس
..
حسینی گل آلاقون شمر الیندن آی قارداش
کمکلوق ایستیورم ایندی سندن آی قارداش
..
گیدور حسینیم الیمدن یامان گونومدی اخا
حمایتون دیورم کسمه مندن آی قارداش
..
دوشوب عزیز دل فاطمه بو شمر الینه
قالان حسیندی نشان پنج تندن آی قارداش
..
بودا اولور سوسوز الان قتیل قوم ستم
سقایت ایله بوعطشان ئولندن آی قارداش
..
گتور سو ای ای آتام اوغلی ویرک بو قارداشیما
کسولمه موش باشی عطشان بدندن آی قارداش