زبانحال امام حسین (ع) در بالین حضرت قمر بنی هاشم (ع)
..
..
..
..
سبک ها: #سبک_یا_فاطمه_من_عقده_دل_وا_نکردم … #سبک_ای_درد_بی_درمانلارا … و با اضافه کردن واگیر : #سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم
..
..
..
مرحوم تائب تبریزی
..
..
..
آچ گوزلرون ای قلبیمین یاراسی قارداش
آل عبانین تشنه لب سقاسى قارداش
..
ای آدی سقا
عطشان یارالی
سو اوسته دینه
قربان یارالی
..
..
من باشون اوسته دورموشام آغلار گوزیله
نازیله یاتما ای ادب دریاسی قارداش
..
..
..
..
..
هرگز اینانمازدیم منی گوزدن آتیدون
بیگانیه یار وفادارین قاتیدون
بیله ایاق اوسته دوریدیم سن یاتیدون
ای صورتی لفظ وفا معناسی قارداش
..
..
..
..
..
ای سر سپاهیم ای آتام حیدر نشانی
ای جویبار معرفت سرور روانی
سالدى ایاقدان کیم بیله قدّ رسانی
سنسون الی گلسون یره آرخاسی قارداش
..
..
..
..
..
مبهوت قیلدون اوز وفاوه کایناتی
آلدون سویی یاده سالوب تشنه بناتی
سو ایچمیوب ترک ایلدون نهر فراتی
ای تشنه لبلر تشنه لب سقاسى قارداش
..
..
..
..
..
دین اوسته سن گچدون بو گون باشیله جاندان
تاج شرافت باشه قویدون سرخ قاندان
خوشحالیوه چوخ یاخشی چخدون امتحاندان
اولدون بیوک شخصیتین داراسی قارداش
..
..
..
..
..
سن ایستدون قرآن اولا هریرده رایج
باشدان گچوب اخذ ایلدون عالی نتایج
اون یدّی منصب صاحبی باب الحوائج
هر دردمندین ملجاء ماواسی قارداش
..
..
..
..
..
حالیم اولور اعلان بوبیر جمله سوزومدن
بیر عالمیم وار اولموشام مأیوس اوزومدن
سنسیز داخی دنیا منیم دوشدی گوزومدن
ای شمع عمریم دیدۀ شهلاسی قارداش
..
..
..
..
..
بسکه سنان باشدان آخوبدور خون آلون
قان هاله سی یکسر دوتوبدور مه جمالون
مقطوع اولوب یرده دوشوبدور پرّ و بالون
اوج فضای همّتین عنقاسی قارداش
..
..
..
..
..
بیر مه جبین که خسرو خوبان اؤپوبدی
شیر خدا شاهنشه مردان اؤپوبدی
شرم ایتمیوب ایمدی گلوب پیکان اؤپوبدی
صد چاک اولان ای جبهۀ زیباسی قارداش
..
..
..
..
..
قانیله دولموش نرگس مست و سیاهون
قانیاش توکر بو دیدۀ آهو نگاهون
بیر دسته قرمز گل آچوبدور سجده گاهون
مرآت ایمان ای گوزل سیماسی قارداش
..
..
..
..
..
هم دوغریوب گل پیکرون بو قوم جانی
هم نیزه پوش ایلوبدیلر سن تک جوانی
اولدون بو چولده جعفر طیّار ثانی
اوچدون بهشته ای دلیم یاراسی قارداش
..
..
..
..
..
اوزدون حیاتوندان الون دین زنده قالسون
باش ویردون اسلام اهلینین باشی اوجالسون
اسلامیان سندن گرک سر مشقین آلسون
اولسا یاشیندا شرع و دین سوداسی قارداش
..
..
..
..
..
ای سو کنارینده دوشن میراب عطشان
ای سو یرینه گلشن دینه ویرن قان
ایتدون کنار علقمی عشقی گلستان
خندان اولان ای جسم گل پیراسی قارداش
..
..
..
..
..
تا آلدیلار الدن او تیغ شعله ریزون
قارداشوی یالیقیز لادی اهل ستیزون
آرخام ایلیم دور آل اله شمشیر تیزون
سرکوب ایله بو لشگر خنّاسی قارداش
..
..
..
..
..
راه وفاده سن دوشوب صد پاره یاندون
آفاقده اهل وفا باشین اوجاتدون
افکارده بیر روح بیداری یاراندون
قانی یازان یرده وفا طغراسی قارداش
..
..
..
..
..
بو چولده نخل حاصلیم سندی یارالی
نار غمه یانمیش دلیم سندی یارالی
دوشدون ایاقدان سن بیلیم سندی یارالی
ای رشک طوبا قامت رعناسی قارداش
..
..
..
..
..
بیر بی کسم نه یاوریم نه دادخواهیم
سنسن بو گون هم لشگریم هم سر سپاهیم
قویما منی تک ای منیم پشت و پناهیم
دور آل اله شمشیر چون الماسی قارداش
..
..
..
..
..
بو مصرعوندور قانیله الوان اولوبدی
بو قامتوندور خاکیله یکسان اولوبدی
بو پیکروندور گل کیمی خندان اولوبدی
ای قطعه قطعه دوغرانان اعضاسی قارداش
..
..
..
..
..
سن که یخلدون عترتیم کامه چاتانماز
هرگز سوسوزلوق حسرتین گوزدن آتانماز
سن یاتدون آسوده خانم قزلار یاتانماز
الدن گیدر امنیتین ایماسی قارداش
..
..
..
..
..
سن دوشدون آتدان کامه دشمن لر چاتاللار
دلدن بو سهم وصولتون فکرین آتاللار
آسوده خاطر یاتمین گوزلر یاتاللار
ای دشمنی لرزان ایدن پرواسی قارداش
..
..
..
..
..
آچ گوزلرون ای قلبیمین یاراسی قارداش #عباسیه_تائب_تبریزی
نظر دهید