کوچ از کربلا
..
..
..
..
..
مرحوم نخستین اردبیلی
..
..
..
..
..
ایاقه دور یولا سال کاروان گیدور قارداش
بیر عده قاره لچک باغریقان گیدور قارداش
..
..
..
..
..
بو گلستانیده بى حد محنت وغم وار
دگوب نسیم سحر گولده قانلو شبنم وار
بوغملو چولده غم وغصه عالم عالم وار
اودور باجون بئله قدی کمان گیدور قارداش
..
..
..
..
..
مقامِ عِشقیده بیر امتحان ویروبسن حسین
یارالى قلبووی تیره نشان ویروبسن حسین
نهال دینه بو صحراده قان ویروبسن حسین
یارالاروندان آخور تازه قان گیدور قارداش
..
..
..
..
..
سنون کیمین بو بیابانداجان ویرن یوخدی
بَساطِ عِشقه بئله سازمان ویرن یوخدى
مسافرم آنام اوغلى اذان ویرن یوخدى
کسوک بوغازیله دور ویر اذان گیدور قارداش
..
..
..
..
..
گلنده من بو یره آلتی قارداشیم واریدی
نه قامتیم خم حسینیم نه آق باشیم واریدی
نه آلتی قاره باشیمدا نه گوز یاشیم واریدی
ویرا ویرا منیلن ساربان گیدور قارداش
..
..
..
..
..
بالاجا قیزلارووى بیربه بیر سوار إیدرم
بونهضت فرح افزاده افتخار إیدرم
اسیر اولوب گیدرم دینی پایدار إیدرم
گورن دیور منه شیر زنان گیدور قارداش
..
..
..
..
..
رقیه مون قولینون رد تازیانه سی وار
یوزی گوزی گوگروب سیلی نون نشانه سی وار
او مرغه بنذوری نه آبی وار نه دانه سی وار
او نازدانیه سیلی ویران گیدور قارداش
..
..
..
..
..
سنیله قالدى بوصحراده یارو انصارون
علیّ أکبریلن، قاسمون علمدارون
منیله شامه گیدر ناقه اوسته بیمارون
طنابه باغلی امام زمان گیدور قارداش
..
..
..
..
..
کمک لریم قیریلوب نه صدا نه سس یوخدى
سیزیلداشور بالالار نالۀ جرس یوخدى
نولوبدی قارداشیم عباس دادرس یوخدی
ویرا ویرا بیزی شمر و سنان گیدور قارداش
..
..
..
..
..
فراتین اوسته یاتان یاری گورمدیم گیدورم
وفالى محرم اسراری گورمدیم گیدورم
آتام نشانی علمداری گورمدیم گیدورم
بیر عده شامه منیلن زنان گیدور قارداش
..
..
..
..
..
اؤره گوون باشینی اوخ آچوب پیاله کیمین
تو کوبدی قانی یره لخته لخته لاله کیمین
حسین هچ آغلیان اولماز قیزون سه ساله کیمین
بابا بابا دیور اشگی روان گیدور قارداش
..
..
..
..
..
آچوبدی گلشن دین غنچه سین گولون گؤرورم
شکسته پر قانادی باغلی بلبلون گؤرورم
یانوبدی خیمه و خرگاهیمیز کولون گؤرورم
یانوبدی خانه سی بی خانمان گیدور قارداش
..
..
..
..
..
آنام نشانه سی ای غسلی قان خداحافظ
جنازه سی گون ایوینده قالان خداحافظ
تاپولمادی سنه بیر سایه بان خداحافظ
یارالی جسمووه سایه سالان گیدور قارداش
..
..
..
..
..
ایاقه دور یولا سال کاروان گیدور قارداش #کوچ_کربلا_نخستین
نظر دهید