ای لشگر عشقین قوجا سرلشگری قارداش #کوفه_بهزاد_قاسمی

زبانحال حضرت زینب (س) در شهر کوفه
..
..
..
..
..
بهزاد قاسمی اردبیلی
..
..
..
..
..
ای لشگر عشقین قوجا سرلشگری قارداش
قربان گوزوه، آچ یومولان گوزلری قارداش
..
..
..
..
..
ای سالک آزاده اولوبسان کیمه زائر
ناظردی ئورک غملرینه حجّت قادر
باخ نوک جدادن منه عباسوه خاطر
دنیاده بگندون نه گوزل منبری قارداش
..
..
..
..
..
زهرا قیزیام من نه دئیوم هرزه جماعت
اوچ گوندی سالوب بوینوما زنجیر اسارت
ای کاش چاتیدی منه ده فیض شهادت
گورمیدی گوزوم تا بئله بیر گونلری قارداش
..
..
..
..
..
قربان یارالی لبلریوه ایله عنایت
قرآن اوخی سرنیزه دن ای شمس امامت
قلبیم داریخور زینبی ئولدوردی شماتت
دیلدن سالوب اشرار بو بی یاوری قارداش
..
..
..
..
..
عرش اهلی گلوب شیونه ای روح مسیحا
غارت زده مریملروه آغلیور عیسا
چوللرده دئیور نوحه سنه حضرت زهرا
بو نوحه پریشان ائلیوب هاجری قارداش
..
..
..
..
..
قولباغلی گزور چوللری اولاد پیمبر
از بسکی دگوب قمچی بو قیزلاره مُکرر
اوخشور قره چادر شبه باشدان باشا اللر
آزاد ائله بیر عدّه قرا معجری قارداش
..
..
..
..
..
آی سینه سی عاشقلره کانون تولّا
آی کوینگی اللرده قالان یوسف زهرا
کوللر بورئیوب قانلی محاسینوی هاردا
یاندیردی بو شهر اهلی بابام حیدری قارداش
..
..
..
..
..
آغ زلفومی گتدیم بو یره الده نشانه
عالم بیله یوخ زینبوین عشقی جهانه
آند اولسون ابالفضلیمون آلنیندا کی قانه
سن سن ایکی دنیا باجوین رهبری قارداش
..
..
..
..
..
یورقون بدنیم دوزدی یره سایه سالوبدی
ظاهرده منیم قامتیمی غملر آلوبدی
روحیم ولی سرنیزه ده اللرده قالوبدی
قانه باتوب افسوس رخ انوری قارداش
..
..
..
..
..
قلبیمده کی اسراریمی گوزیاشیم ائدور فاش
وصل عالمی سیندیرمیا بختیم منی ای کاش
بیر یولدا بوغازوندن ئوپم نیزه ده قارداش
تاپشور منه بیر بوسۀ جان پروری قارداش
..
..
..
..
..
لطف ائتدون حسین «قاسمیه» تاپدی اراده
انشا ائلیور مرثیه مضمون بکاده
ممتاز ائلدون شعرینی بزم شعراده
غفلتدن اویاتدون سن ئوزون نوکری قارداش
..
..
..
..
..