گلدی شامدن زینب آچ گوزون اویان قارداش #اربعین_شعاع_تبریزی

اربعین
..
..
..
..
..
(واگیرهای این سبک در #سبک_دولدوروب_جهانی … خوانده می شود)
..
..
..
..
..
مرحوم شعاع تبریزی
..
..
..
..
..
گلدی شامدن زینب آچ گوزون اویان قارداش
عشقی دخت زهرانی چوللره سالان قارداش
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
دوتموری دلی هرگز درد دل دیه زینب
تا وار عمری باجادی رخت غم گریه زینب
آب غم ایچوب دائم خون دل ییه زینب
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
وار یری آنام اوغلی گوز یاشیم دونه قانه
نی کیمی گلم دائم یانه یانه افغانه
گلمیشم حسین جانی درد وغصّه دن جانه
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
بار درد و محنتدن قامتیم اولوبدور خم
زینبه بو وسعتله تنگ اولوندی بو عالم
قلبیمون قبول ایتمز دل یارالاری مرهم
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
عالمی قویوب حیران صبریوه فدا صبرون
قبریوه اولوم قربان عرشه بنزیری قبرون
جانیوه قسم قارداش اولموشام یاغان ابرون
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
ئولمیوب ندن بولمم زنده قالمیشام قارداش
گور نجه فراقوندا تیز قوجالمیشام قارداش
بو یارالی کوینکدن عطرون آلمیشام قارداش
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
روز روشنیم گوزده دوندی شامده شامه
هر قدر دیسم شامون ظلمی یتمز اتمامه
لیلیه نشان قالدی اکبریندن عمّامه
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
دور تسلّی ویر قارداش نو عروس گریانه
آل سریّه نون گوگلون لطف ایله بو نالانه
طوی گونی جوان اوغلى ظلمله باتوب قانه
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
شامدن رباب الده مایۀ فغان گتدی
سود امر بالاسندان ساخلیا نشان گتدی
بیر قانا باتان اؤنّوک الده ارمغان گتدی
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
دور کنار علقمده صحنۀ غمه بیر باخ
دیندیر امّ کلثومی شور و ماتمه بیر باخ
قبر سر سپاه اوسته قانلو پرچمه بیر باخ
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
گر چه ئولمدیم قالدیم ای مه درخشنده
قویمادى قالا امّا بو محن توان منده
بیر رقیّه دن ساری زینب اولدی شرمنده
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
وار حسین او محنتدن یاره یاره لی دلده
چخدی گوگلره شیون بیر خرابه منزلده
جان ویرور بالام گوردوم اکبرین آدی دلده
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
نه خرابه نه منزل ای شهنشه عطشان
ظاهراً خرابیدی باطناً ولی زندان
حبسخانه ده ویردی، نارنین رقیّم جان
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
لخته قانیله قلب داغداری دولموشدی
صرصر مصیبتدن گل عذاری سولموشدی
وِردی گَل على اکبر ذکری اصغر اولموشدی
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
غصّه لنسون عفو ایله زینبی بو بیر سوزده
لیل تاره دونموشدی روز روشنی گوزده
گیتدی خانۀ قبره ال علامتی یوزده
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
ایتمدی حسین جانی دلده غملریم کاهش
تاپدی دمبدم دردیم اودلی دلده افزایش
خشت پاره کیم گورموش ناخوشا اولا بالش
ماجرالیدور باشیم
شاهدیمدی گوز یاشیم
ای عزیز زهرا
..
..
..
..
..
آغلا یان (شعاع) دائم روز و شب فغان ایله
هر کسه دیمه دردون خلقدن نهان ایله
دامن حسینی دوت دردیوی بیان ایله
دئ بلالیدور باشیم
شاهدیمدی گوز یاشیم
ای عزیز زهرا
..
..
..
..
..