شامیدن قارداش ابوالفضل اشکیمی چون یم گتوردوم #اربعین_اعظمی_تبریزی

اربعین حضرت ابوالفضل (ع)
..
..
..
#سبک_ای_ویرن_ویرانه_یرده … عمه بو ویران سراده …
..
..
مرحوم اعظمی تبریزی
..
..
..
..
..
شامیدن قارداش ابوالفضل
اشکیمی چون یم گتوردوم
قبرون اوسته اربعینه
قانلی بیر پرچم گتوردوم
..
..
..
..
..
من یتنده کربلایه
ویردی یوز بیر اؤزگه عالم
گوزلریم دوشدی فراته
قلبیمی یاندیردی بو غم
سسلدیم قانه دونیدون
کاش سن ای نهر علقم
نهرون اوسته من دوباره
اشکیمی چون یم گتوردوم
..
..
..
..
..
ئولسه هرکیم قوم و خویشی
یوخسا اوندان ال اؤزلَّه
اربعینین ده گللَّر
قبریتون اوستون بزلَّه
بیر عزالی شال سالالار
دسته دسته گل دوزلَّه
اولمادی گول قبرون اوسته
گوز یاشی شبنم گتوردوم
..
..
..
..
..
گل گلاب و لاله دوزماق
یاسدا قبر اوسته ثوابدی
لاله باغریم گل سولان یوز
گوزده کی اشکیم گلابدی
هر نه قبر اوسته گتورسن
تحفه دی واسه حسابدی
پرچمون منده بو قبره
مایۀ ماتم گتوردوم
..
..
..
..
..
قبرووه باخدوقجا یانّام
گور اولار غم بو سیاقدا
شاهیله سر لشکرین بس
قبری اولماز بیر رواقدا
پس نیه شه دن بو چولده
مدفنون دوشدی اؤزاقدا
من اودور بو قبرون اوسته
دیدۀ پرنم گتوردوم
..
..
..
..
..
دین حق اوسته او گون سن
ظلم الیله قانه باتدون
اللرون گیتدی بدنده
باش خیالین باشدان آتدون
ای اوجا قامتلى آخر
خرداجا قبر ایچره یاتدون
غملی دلده دردیویله
دردیمی باهم گتوردوم
..
..
..
..
..
محنتون هر کیم ایشیتسه
غصّه دن فکرین آزالّار
حسرتیله مهر اسمون
لوح دللرده قازالّار
قبرووه دردی اولانلار
اشکیله نامه یازالّاز
غملیم منده بو قبره
بیر کتابت غم گتوردوم
..
..
..
..
..
من گیدنده شامه قارداش
قویمادی دشمن قالیدیم
بیر دویونجا آغلییدیم
جسموین عطرین آلیدیم
اشکله قانین یوویدیم
یاره وه مرهم سالیدیم
ایمدی بو درد دلیمدن
یاره وه مرهم گتوردوم
..
..
..
..
..
ئولمسم یولّاردا قارداش
قسمتیم اولسا مدینه
پرچمون الده آپارّام
من آنان امّ البنینه
سسلرم گل ای اوغولسوز
باخ گیلن بو دل حزینه
نور دیدندن نشانه
قانلو بیر پرچم گتوردوم
..
..
..
..
..
گلشن قبرون گلوندن
سولمین بیر گل آپارّام
یثربه گیتسم الیمده
یاسلیام سنبل آپارّام
اوغلون عبداللهه تحفه
سینه ده نسگل آپارّام
سویلرم کرب و بلادن
غصّه بیر عالم گتوردوم
..
..
..
..
..
«اعظمی» وار دلده دردون
سسله یا باب الحوائج
سویله غمده قالموشام من
دوت الیمدن ایله خارج
ای طبیب دردمندان
دردیمه سن اول معالج
بو مطبّه الدہ نسخه
دلده درد و غم گتوردوم
..
..
..
..
..