باجی یاتما دور ایله چاره یاندیم #حسنیه_شوری_تبریزی

زبانحال حضرت امام حسن مجتبی (ع)
..
..
..
..
ـــــــ
#سبک_کجایید_ای_شهیدان … #سبک_جوشی_زنجیر … #سبک_بو_کیمدور_یوسف_کنعانه_بنذر …
#سبک_بیا_یابن_الحسن_آرام_جانم
واگیر برای این سبک:
بو غمده عالم آغلار
رسول خاتم آغلار
نوا باشلار ملک لر
سزیلدار آدم آغلار
باجی یاتما دور ایله چاره یاندیم
ـــــــ
..
..
..
مرحوم شوری تبریزی
..
..
..
..
..
باجی یاتما دور ایله چاره یاندیم
بو سو ایتدی منی دل پاره یاندیم
..
..
..
..
..
گوز آچ یاتما دور ای باشی بلالی
نظر قیل مجتبایه گور بو حالی
بو مظلومون باجی چوخدور ملالی
بو سو ایتدی منی دل پاره یاندیم
..
..
..
..
..
باجی جان خوابدن بیردن اویاندیم
ایچوب من بو سودان جاندان اوساندیم
اماندور چاره قیل دور یاتما یاندیم
بو سو ایتدی منی دل پاره یاندیم
..
..
..
..
..
دیزون اوسته دور آل بیر بو باشیمی
باجی باخ گور یوزیمده گوز یاشیمی
هانی سسله گله اول قارداشیمی
بو سو ایتدی منی دل پاره یاندیم
..
..
..
..
..
باجی وور باشه آغلا گل نوایه
ویروبله زهر کینه مجتبایه
دایانما ویر خبر آل عبایه
بو سو ایتدی منی دل پاره یاندیم
..
..
..
..
..
ایاقه دور گلن ای بخت قاره
حسن قارداشیوا ایله نظاره
سو ایتدی لبلریمی پاره پاره
بو سو ایتدی منی دل پاره یاندیم
..
..
..
..
..
بو قدر نازیله یاتما اویاندور
نجه گور مجتبانون باغرى قاندور
علاج ایله باجی یاندیم اماندور
بو سو ایتدی منی دل پاره یاندیم
..
..
..
..
..
یاخونلاشدی داخی وقت شهادت
باجی دور بو مکانی ایله خلوت
ایدوم بیر بیر سنه نچه وصیّت
بو سو ایتدی منی دل پاره یاندیم
..
..
..
..
..
خبر ویر عترت خیر الانامه
یتوب دشمنلریم عین مرامه
یته عمریم گونی آز قالدی شامه
بو سو ایتدی منی دل پاره یاندیم
..
..
..
..
..
باجی جان ناله قیل گل شور شینه
عزا ساخلا امام مشرقینه
خبر ویر ایمدی قارداشیم حسینه
بو سو ایتدی منی دل پاره یاندیم
..
..
..
..
..
باجی مندن صورا گلمه نوایه
ولیکن منتظر اول هر بلایه
فغان و دادی ساخلا کربلایه
بو سو ایتدی منی دل پاره یاندیم
..
..
..
..
..
سنون احوالوه (شوری) چوخ آغلار
دیر ایوای خانم وای سینه داغلار
بلین محکم بیز اهل بیته باغلار
بو سو ایتدی منی دل پاره یاندیم