زبانحال حضرت ام البنین (ع)
..
..
..
محمد هوشمند (مدهوش)
..
..
..
ای سرسپاه و صف شکن و نامدار اوغول
تندیس عشق و غیرت و حُسن و وقار اوغول
..
غیرتده بی مثال و جلالتده بی بدیل
میدان دا با صلابت و با اقتدار اوغول
..
قربان سنین رشادتیوه منتظر آنان
ای پنجه سینده مدعی لر خوار و زار اوغول
..
خوش حالیوه اطاعت ائدوبسن امامیوه
اولدون همیشه دولت اسلامه یار اوغول
..
سن راد مرد جنگ و اموره بصیرسن
عهدین ده قالموسان بیلیرم استوار اوغول
..
تا جان واریدی قارداشیوا خدمت ائتمیسن
تا وا ر جهان سنه ائدره م افتخار اوغول
..
رد ائیلدین سپاه جفانین امانینی
ائتدی سنی عنایت حق رستگار اوغول
..
اولسون سودوم حلالین عجب همت ائیلدین
حقین یولوندا جانیوی ائتدین نثار اوغول
..
ای قوللاری سو اوسته اولان ظلمیله قلم
اولسون گوروم همیشه آدین پایدار اوغول
..
کیم نقل ائدنده نهر فرات اوسته جنگیوی
فخر ائیلرم بو همته لیل و نهار اوغول
..
حقین یولوندا باش وئریب عزت قازانمیسان
سو قولی گرچه ائتدی سنی شرمسار اوغول
..
سو صحبتی دوشنده دولار اشکیله گوزوم
قالماز بو داغلی سینده تاب و قرار اوغول
..
تعریف ائدنده کیم منه علقم حکایتین
دردین یانان اورکدن آلار اختیار اوغول
..
دگدی اودم که مشکیوه اوخ سو آخیب یئره
گویا که حشر اعظم اولوب آشکار اوغول
..
ایوای منه دئیوله باشیندان یارا دگیب
شهلا گوزون قانیلا اولوب استتار اوغول
..
هر بیر گلن شماتتیله یاندریب سنی
نه حاله قالموسان بیلیرم زخمدار اوغول
..
السیز دوشنده توپراقا آیا نه چکمیسن
قربان اولا سنه بو دل داغدار اوغول
..
سالم اگر اولیدی الین رزمگاهیده
تاپمازدی ال وجودوه هر نابکار اوغول
..
بیر کس سنه حریف دگییل دی نه نوعیله
قولاروی قلم ائیله دی اهل نار اوغول
بو سوز نه سوزدی خیردا مزار ایچره یاتموسان
ایوای منه نولوب سنه ای شهسوار اوغول
..
آیا نه ظلم اولوب کیچیلیب سرو قامتین
باشین بلاسی اولدی ندن بی شمار اوغول
..
چوخداندی تیکمشم یولا گوز گوزلورم سنی
آلدی منیم قراریمی بو انتظار اوغول
..
گوزیاشی مونیسیم دی منیم آه یولداشیم
اولماز خیالیمین قوشی سندن کنار اوغول
..
جان اوسته دلغمین چکیرم انتظاریوی
گل قویما بوندان آرتیق اولام دلفکار اوغول
..
گر یاره لر یوروب سنی یات خیردا قبریده
من اوز غمیم له دلخوشام ای غمگساراوغول
..
عبداللها باخیب سنی یاد ائیلرم بالا
سندن منه قالیب نه گوزل یادگار اوغول
..
دنیاده حسرتیله غریبلیق منیمکیدی
بیر عمردور که وار اورگیمده شرار اوغول
..
غم دن کرگ دی منده مزار ایچره دینجلم
یوخ دردیمه جهاندا داخی راهکار اوغول
..
یانام بو درده دورت بالادان گلمه دی بیری
تا ائیلیه مزاره منی رهسپار اوغول
..
سنسیز جهاندا بیر گون آنان راحت اولمادی
ایوای منه فلک گونومی ائتدی تار اوغول
..
گل اوز الونله جسمیمی تاپشیر مزاریمه
تا دینجله مزاریده بو بیقرار اوغول
..
مدهوش ائدیر اورکلری علقم زیارتی
افسوس اولمادی منه هیچ بخت یار اوغول
نظر دهید