وداع حضرت علی اکبر علیه السلام
.
✍️ زبدة الاشعار ✍️
?: @nohe_torki
.
مرحوم غلامعلی باقری الهام ( هوشی تبریزی )
.
ایلیوب شوق شهادت صبریمی تاراج آنا
شایقم باشه قویام قانیله زرّین تاج آنا
.
مرشدعشقیم منی بوعشقه ارشاد ایلیوب
وصل جانان مژده سیله قلبیمی شادایلیوب
قید محنتدن منی لطفیله آزاد ایلیوب
بحرغمدن اولموشام گوهرتک استخراج آنا
.
گرچه من افلاک حُسنون بیرمه تابانیم
طاقت قلب حسین آل عبانین جانیم
کوی عشقین لیک بوچولده سوسوزقربانیم
شعلۀ عشقیم اودور دلده تاپور قلّاج آنا
.
عاشق محنت نصیبم اولموشام محزون هجر
عارضه گوزدن آخورهردم درمکنون هجر
لیلی سن اولما فراقیمده منیم مجنون هجر
سینوی ایتمه خدنگ حسرته آماج آنا
.
اسمعیل کربلایم من بویرکوه منا
من منا قربانی سنده هاجرآل عبا
لیک اولام لازمدی من بوچولده قربان وفا
تا بویا نسون لاله تک قانه بوقدّ کاج آنا
.
من باتام قانه گرک دور لالۀ احمرکیمی
تیغ ظلمیله اولام مجروح سر حیدرکیمی
تا سرمذبوحیله بو چولده پیغمبرکیمی
ایلیم نوک جداده شوقیله معراج آنا
.
جلوۀ مهروعلایقله دولوب صحرای عشق
ایچموشم ساقی الیندن منده بیرصهبای عشق
عازمم بازارعشقه تا ایدم سودای عشق
نقد عشقه جان متاعین ایلیم حراج آنا
.
من گولم خار جفاییله گرک خندان اولام
بو گلستان وفاده قـانیمه غـلـطـان اولام
جانویروب جانانه ملک عشقیده سلطان اولام
خاک وخون اولسون منه لازمدی تخت عاج آنا
.
شاه دیندن گرچه واربو گتماقیمدا رخصتیم
لیک وار آگاهسن دلده آنـا بیر حسرتیم
دین حق قربانیم اولسون گرکدور زینتیم
اوز الونله اولموشام بو زینته محتاج آنا
.
گوزلرون دولدورما باخما بیربیله حسرت منه
آغلاما سن آغلیاندا یوز ویرور محنت منه
گل آنا هاجرتک ایله سن اوزون زینت منه
تاگیدوم چون منتظر دور قتلیمه افواج آنا
.
دوزدی گل بلبلدن آیرولسا پریشان حال اولار
هجر گلده قلب بلبل مین ملالیه دولار
سن ولی صبرایت گلون گورسن جفاییله سولار
ملک دلدن لشگر اندوهه ویرمه باج آنا
.
عازمم جام شهادت نوش ایدم مردانه من
بو منای عشقیده تشنه باتام القانه من
جانیمی قربان ایدم بو دشتیده قرآنه من
باخمارام بو اهل کینه ایلوری تالاج آنا
.
(هوشیم)هرچند غرق بحر عصیانم اوزوم
لیک وار بو آستان پاکده دایم گوزوم
مایۀ غفران اولامحشرده بسدوربوسوزوم
ایلیوب شوق شهادت صبریمی تاراج آنا
.
#سبک_زینبم_جان_اوستیم (4سبک)
.
#اکبریه_شهادت
#ایلیوب_شوق_شهادت_صبریمی_تاراج_آنا
#هوشی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید