#من_حسینم …
.
.
محمدعلی مصیبی تبریزی
.
من حسینم ذکر و یادیم ماندگار اولسون گرک
نوکریم دنیا و عقبی تاجدار اولسون گرک
.
گویلی وار کیم ،حشریده دوتسون الیندن اهل بیت
شرطی وار؛ صدقی قاپیمدا آشکار اولسون گرک
.
قبر ائویندن ایسته مور کیم ناگران قالسون ازل
بزم حزن و ماتمیمده اشگبار اولسون گرک
.
آغلیوب یا آغلادانلاره عنایت ایلرم
سفره لطف حسیندن ریزه خوار اولسون گرک
.
اگمه سین باش پاک عزاداریم مقابل ناکسه
کیم وقار آختارسا قلباً خاکسار اولسون گرک
.
کیمسه ایستور کی آنام زهرا اونی مأجور ائده
جرعه نوش اولجاق می ِعشقه خماراولسون گرک
.
قبرینه من همدم اوللام خوف و وحشت ائتمیه
شرطی وار اما ؛ غمیمده غمگسار اولسون گرک
.
گوز بولاقیندن کیم آخدیرسا سرشگ آلینی
کاسۀ چشمی او گوزیاشه نثار اولسون گرک
.
بحر عشقیمده غریقه استعانت ایلرم
قلبینین عشق و صفاسی انحصار اولسون گرک
.
دارعقباده کیم ایستور داغ حرمان گورمه سین
دار دنیاده حسینه داغدار اولسون گرک
.
آختارانلار چرخ گردوندان قرار و اختیار
قتلگاهی یاد ائدوب بی اختیار اولسون گرک
.
بذل جاندان ذره خوف و وحشت ائتمز نوکریم
کیم نثار ِ عزت ایستور جان نثار اولسون گرک
.
یاز«مصیب»کیم آدین قویموش حسینون نوکری
مایۀ عِزّ و وقار و افتخار اولسون گرک
.
#حسینیه_مدح
#من_حسینم_ذکر_و_یادیم_ماندگار_اولسون_گرک
#مصیبی_تبریزی
#ترکی
.
نظر دهید