ورود به ماه محرم
.
✍️ زبدة الاشعار ✍️
?: @nohe_torki
.
میرزا علی اکبر صابر اردبیلی
.
عرصۀ عالمین گئنه وضعی بلالی گورسنیر
یوخسا ثبات عالمین حین زوالی گورسنیر
.
.
آینۀ جهاندا بیر سرعتی غم نمالنیر،
وقعۀ نوح دور مگر کیم گئنه ابتدالنیر؟
یوخسا سنین عالمین گونلری انتهالنیر؟
یا که، مه محرّمین تازه هلالی گورسنیر
.
.
ای افق، اولما منجلی عرصۀ فاجعات ایچون
ائتمه عیان هلالینی ماتم کاینات ایچون
تیغ جفایه کسمه بو تشنه لری فرات ایچون
نهر فراته باخ، نئجه ماء زلالی گورسنیر
.
.
آی آچیلان صباح غم، شام اول آچیلما بیر زمان
یثرب و مکه سرورین سالما بلایه، الامان
گرچی عراقه جلب ائدیر میر حجازی کوفیان
لیک بو یولدا اونلارین اوزگه خیالی گورسنیر
.
.
گئتمه، دور، ای قطار غم! گور اوجالان نوالری
چکمه دیار غربته بو وطن آشنالری
دوز دئییل اهل کوفه نین عهدلری، وفالری
عهد شکن دیر عاقبت، گرچه وفالی گورسنیر
.
.
گریۀ زاریم ائتمه دی عالمی غرق اشک تر
جان جهانی توتمادی آتشه، اودلانان جگر
باشلا فغانه باری، ای بلبل طبع نوحه گر
سنله بلالی «صابرین» باشی بلالی گورسنیر
.
.
#سبک_ای_حرمینه_ناز_ائدن (4 سبک)
.
.
#ورود_محرم
#عرصۀ_عالمین_گئنه_وضعی_بلالی_گورسنیر
#صابر_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید