غارت خیام
.
زبدة الاشعار
?: @nohe_torki
.
مرحوم شهاب تبریزی
.
ظلمیله خیمه لرون اود دوتوب اودلاندی حسین
هارداسان زینبوین قولاری باغلاندی حسین
.
.
ای آنام اوغلی دایانما یتیش امداده یتیش
یوخ یتن دادیمه امداده یتیش داده یتیش
قویما فریاده گلوم بیر بئله فریاده یتیش
گور باجون دشمن اَلونده نئجه نالاندی حسین
.
.
گتوروم من نه دیلیله دیلیمه نام بلا
قوردی صیّاد ستم قارداش حسین دام بلا
بیر یره یتدی بو صحراده سر انجام بلا
که غزالان حرم بیر به بیر اودلاندی حسین
.
.
آچدیلار غارت اَلین غارته غارتگر شام
تالانوب زینت اوضاع سراپرده تمام
آلیشوب آتش کین شعله چکوب یاندی خیام
وئردی سعد اوغلی بو قومه بو نه فرماندی حسین
.
.
اوت دوتان وقته حسین خیمۀ زر تار اَتگین
دوتدولار بیر بیرینون عترت اطهار اَتگین
قویمادیم اوت دوتا من عابد بیمار اَتگین
باخدوم احوالینه امّا جگریم یاندی حسین
.
.
صرصر ظلم ، خزاندان گتوروب تازه خبر
اَسدی گلزاریمی پوزدی ائلیوب زیر و زبر
آشیان یاندی داغیلدی چوله مرغان سحر
هر بیری بیر طرفه ایندی گریزاندی حسین
.
.
هره بیر یانه قاچوب غصّه و غمندن اوسانار
اوت آلوبدور بیرینون دامنینی ایندی یانار
بیرینی آهو کیمی آتلی بیابانه قوار
بیری بیر یاندا سیزیلدار بیری حیراندی حسین
.
.
آند وئرّوخ سنی یا ربِّ حسین ، اکبرینه
ایتگیلن روزی «شهابیله» هامی نوکرینه
اوز رواقینده ائداخ ناله علی اصغرینه
اهل دردین بولوسن دردینه درماندی حسین
.
#سبک_یارالی_جان_یارالی (بیش از 4 سبک شامل سبکهای کربلا منتظر ماست … شهریاریمسن آقا …. )
پخش‌کننده صوت
#غارت_خیام
#ظلمیله_خیمه_لرون_اود_دوتوب_اودلاندی_حسین
#شهاب_تبریزی
#ترکی
.
#زبدةالاشعار
?: @nohe_torki
: @nohe_torki . کربلایی فخرالدین اسکندری«جائد» . دور ایاقه پیشواز ایت منِ باغریقانی قارداش باجیوام منی دانیشدیر آنامون نشانی قارداش . . آنام اوغای اربعینه من زار و خسته گلدیم دولانوب کمانهبیشتر
نظر دهید