خرابات بلا دولموش غریبه بوی قاسمدن #قاسمیه_شمس_شاب_تبریزی

استمداد حضرت قاسم بن الحسن (ع)
..
..
..
شمس شاب تبریزی
..
..
..
خرابات بلا دولموش غریبه بوی قاسمدن
دوشوب پیر طریقت حیرته یاهوی قاسمدن
..
..
..
مراد نامراد ایلوب مریدین ذکریدن محروم
قیریب زنّارینی چلتار خونینون ایدوب مقسوم
گزور کشکولی اللرده عجب معلوم و نامعلوم
مُخضَّب پوستین اولموش مهیّا موی قاسمدن
..
..
..
قوایِ خَمسه سست اولدی آلیشدی خرمن رابع
اولوبلار صوت، سفلایه تماماً علویان سامع
عروس حجله گاه غم گورنده بختینی لامع
فلک چوگانی شرمنده اولوبدور گوی قاسمدن
..
..
..
سلیمان وفا قصرین دریغا سیل غم یخدى
دل شهزاده نی طعن رعیت زاده لر سخدی
محبت آبنوسی تا کمان هجریدن چخدی
خجالت چکمدی هیچ دیدۀ آهوی قاسمدن
..
..
..
کمال وصلیده یاریله بیر عهد ایلدی عاهد
نجه عاهد که اسرار لقایه برترین شاهد
اوخ آتماقه حسینه استخاره ایلین زاهد
ائدیدی استخاره کاش او دم گیسوی قاسمدن
..
..
..
نزول ایلوبدی ارواح رُسُل دشت غم افزایه
کلیم و آدم و داوود و نوح اوز قویدی قتلایه
گلیب چرخ چهارمدن باخون احوال عیسایه
اولوب دیوانه دیر عشقیده مولویِ قاسمدن (1)
..
..
..
کلیم حق عصاسین سندیران فرعون سنگین دل
مصمّم اولدى، ائتسون طور حق اعجازینی باطل
بساط ننگ سحر سامری بسط اولدی بی حاصل
آسیلدی قلب عالم طرّۀ جادوی قاسمدن
..
..
..
دوشنده زینیدن ناگه عَرَضدن جوهر آیرلدی
حروف عشقیدن بیر ضرب عینیله سر آیرلدی
بعید الفعل تک تاقُرب دلدن دلبر آیرلدی
اؤپوبدور ذات ذرّات وفا زانوی قاسمدن
..
..
..
چاغوردی مرشد عشقین مرید باوفا داده
قلندر مثلی سالدی صورت مقصودینی یاده
غریو و های و هوی محتسبدن اولجاق افتاده
آچیلدی خانقاه کربلا یاهوی قاسمدن
..
..
..
الا یا ایها الساقی بودم مهجوری درک ایله
ایاغ وصلیله میخانه ده مخموری درک ایله
الا ای خسرو خاور شب دیجوری درک ایله
تمنایه گلیب شمع فلک سوسوی قاسمدن
..
..
..
چکیلمش صحفۀ حسنومده رسمه جدول ابجد
یارا هَوَّز آخان قان سَعفَص و قاشیم خط ممتد
الفبا بولمین قومه نه حاجت مشق یا و مَد
بو امّی امّت ایتمور کسب حکمت روی قاسمدن
..
..
..
بَناتُ النَّعش آرا دوشدوم نفسدن نجم بطحا تک
مهِ حُسنوندن آلدیم جزر و مد عشق دریا تک
آنام خوشدور نوایه چوخ گله پیوسته لیلا تک
سلام ایله او مام ناتوانه سوی قاسمدن
..
..
..
بوقان ایچره یاتوب ضعف ایلماقدا آیری عالمدی
بو بزم وصلیدور اسرار یاره یار مَحرَمدی
قباقیمده تماماً قدسیانون قامتی خمدى
أَو أَدنا طاقی گورسنمیش مگر ابروی قاسمدن
..
..
..
اسور باد مخالف شمع عمری ایلوری تهدید
وصالون شوقی لیک ایلور دوام عشقیمی تمدید
منه هر نیزه وردوقجا دییور ظلم اهلی بی تردید
خموش اولدی عجب بیر شمعده مشکوی قاسمدن
..
..
..
فنون شعره هر کیم اولسا دارا درک ایدر هر آن
شه کونینه شاهانه گرک مرقوم اولا عنوان
قسم حقّه بو «شمس شاب» ویرمور عرصه ده جولان
فقط سعی ایلور اخراج ائتمسونلر کوی قاسمدن
..
..
..
1 – مولو : سازی که کشیشان نوازند
.
#قاسمیه_شهادت
#خرابات_بلا_دولموش_غریبه_بوی_قاسمدن
#شمس_شاب_تبریزی #قاسمیه
#ترکی
#زبدةالاشعار