آچ قان دولان شهلا گوزون ای شبه پیغمبر #اکبریه_نادری

شهادت حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
#سبک_ویرانه_ده_نازلو_بالام …
.
مرحوم نادری میانجی
.
آچ قان دولان شهلا گوزون ای شبه پیغمبر
گلدوم سنون فریادیوه اوغلوم علی اکبر
.
.
قویما منی یالقوز قالام ای یوسف دوران
ناراحتم یوخ طاقتیم سس وئر سسون قربان
دور قوی اوغولسوز بیلمسون اوغلوم منی عدوان
گلمیش بابان امدادیوه اوغلوم علی اکبر
.
.
دور گوزلریم نوری اوغول جسمیمده جانیمسن
چوخ یاتما قوم اوسته بالا روح روانیمسن
ای دیزلریم تابی منیم تازه جوانیمسن
حسرتله گلدوم دادیوه اوغلوم علی اکبر
.
.
زینب سالوب سندن ئوتور اخیامه واویلا
ال قولتوقوندا آغلیور بختی یاتان لیلا
ایندی گلر گورماقوه بیکس آنام زهرا
قربان سنون اجدادیوه اوغلوم علی اکبر
.
.
منکه قوجالمشدوم بالا قویدون منی حسرت
طوی گورمه مش اولدی سنه آخر ئولوم قسمت
اوغلوم ئولور قویماز داخی کیمسه منه حرمت
بیگانیم میلادیوه اوغلوم علی اکبر
.
.
برج وفاده ای علی ماه هلالیم سن
دین گلشننده رشد ایدن بیر نونهالیم سن
رعنا قدی آهو باخیش خوشخو غزالیم سن
فرصت دوشوب صیادیوه او غلوم علی اکبر
.
.
گلسه آتا باش اوستنه یرده اوغول یاتماز
بیکس باباسین تک قویوب القاننه قاتماز
بیلم ادبده بیر نفر اوغلوم سنه چاتماز
یاننام دل ناشادیوه اوغلوم علی اکبر
.
.
یاز نادری آزاده لر آزاده سین گوزلر
ال سینه ده لیلا دوروب دلداده سین گوزلر
اهل حرم صف باغلیوب شهزاده سین گوزلر
رحم ایتگلن دلدادیوه اوغلوم علی اکبر
.
.
.
#اکبریه_نادری
#اکبریه_شهادت
#آچ_قان_دولان_شهلا_گوزون_ای_شبه_پیغمبر
#ترکی
.
✍️ #زبدةالاشعار ✍️
.
🆔: @nohe_torki