اصغریم اولدی نشان زهرلی پیکانه باجی #اصغریه_فریدی

زبانحال امام(ع) با خواهر
در شهادت حضرت علی اصغر (ع)
..
..
..
..
..
حاج علی اصغر فریدی
..
..
..
..
..
اصغریم اولدی نشان زهرلی پیکانه باجی
الیم اوستونده لب عطشان بویانیب قانه باجی
..
..
..
..
..
آز قالیردی سولا بو غنچۀ نشکفته اوزی
ساری گل تک نئجه گؤردون کی سارالمیشدی یوزی
کسیلیب طاقتی آخمیشدی الیم اوسته گوزی
سو امیدیله آپاردیم گینه میدانه باجی
..
..
..
..
..
ایستدیم هر چه یانقلی دیلیله سو بالاما
باخیب آغلاردی باجی قوم جفاجو بالاما
حرمله نه منه رحم ائیلدی نه بو بالاما
وئردی بیر تیریله سو تا بو لب عطشانه باجی
..
..
..
..
..
ساخلادیم اللریم اوسته بونی گل غنچه سی تک
یانیب آغلاردی بونون حالینه افلاکه و سمک
حرمله ظلم اودونا ووردی جفائیله اتک
بیر شرر سالدی او اود عالم امکانه باجی
..
..
..
..
..
اورک ایستر باخا حلقینده کی اوخ یاره سینه
گل آپار وئرمه نشان مادر بیچاره سینه
گؤزی یاشلی بالامی سال باجی گهواره سینه
آغلامیر دینمیری گلمیر داخی افغانه باجی
..
..
..
..
..
سو خیالین باجی جان تشنه بالام باشدان آتیب
دینجلیب یورقونودى اللریم اوستونده یاتیب
قلبیمین قانینی گؤز یاشیمه بو غمده قاتیب
دورما گل سنده باخ آغلا من نالانه باجی
..
..
..
..
..
یوخدی بو حالیده بیر رحم ائلین قارداشیوا
نیسگیلیم چوخدی باجی ایله خبر گؤز یاشیوا
اوغلی قارداشی اؤلن وار نه قدر یغ باشیوا
اصغرین خیمه سینی ایله عزا خانه باجی
..
..
..
..
..
باد ظلمیله بو صحراده سولوبدور چمنیم
یالقیزام آرخاسیزام دادیمه یوخدور یئتنیم
گئچیب حدّن دل زاریمده ملال و محنیم
غصّه م آرتیر باخیرام من بو گون هریانه باجی
..
..
..
..
..
جور ظلمونده بو گون حرمله طغیان ائلدی
بیر جفا ایلدی عالم لری گریان ائلدی
شیر خواره بالامی قانینه غلطان ائلدی
ویرمدی سو بیر ایچیم بو قوزی قربانه باجی
..
..
..
..
..
گوردولر جان وئروری اللریم اوستونده بالام
نه بونا قویدولا حرمت نه سنه لشگر شام
وار یری آهیم اودیله شرر آفاقه سالام
قلبیم ایله یانیری بو گل خندانه باجی
..
..
..
..
..
سینم اوسته بو بالام ای باجی مدفون اولاجاق
قدسیان حشره کیمی بو غمه محزون اولاجاق
دولاجاق اشکیله چشمی دل پر خون اولاجاق
هر کیمین دوشسه گزاری بو بیابانه باجی
..
..
..
..
..
بالاما ساخلییاجاق شیعه لریم بزم عزا
یازاجاق نوحه «فریدی» ائده جک داد و ندا
ایسترم حاجتی اولسا ائیلرخالق عطا
قویمارام روز جزاده گئده نیرانه باجی
..
..
..
..
..