او گون که باغلیوب احرام حسین عشقون مناسینده #ورود_کربلا_نادری

ورود به کربلا
..
..
..
مرحوم نادری میانجی
..
..
..
او گون که باغلیوب احرام حسین عشقون مناسینده
قورولدی خیمۀ خرگاه حسینون کربلاسینده
..
..
..
او گون فرزند زهرایه وطن دشت بلا اولدی
جلا تاپدی بلا دشتی او گوندن پرجلا اولدی
حسینون قسمتی آخر او دشت کربلا اولدی
ئوزی چون وعده ویرمیشدی همان قالو بلاسینده
..
..
..
اگر چه فاصله دوتموش کسوب یول حرّ بی پروا
او یاندا سعد بد اختر دالندا صف چکوب اعدا
وسطده بیر قلیل عده دوروبدور زادۀ زهرا
دایانموش ذولجناح اوسته گوزی صاحب لواسینده
..
..
..
ایدوب فرمایش عبّاسه گل ای اسلامه سر کرده
همان جدّیم دییَن یردور بنا ایله سرا پرده
قورولسون زینبه قارداش گرک خیمه چوخور یرده
دوشنده گورمه سون تندن قولون میدان آراسنده
..
..
..
اطاعت ایتدی فرمانه او دلبند ولی الله
کمک گلدی علی اکبر پیاده اولدی آل الله
او دشت کربلا ایچره قورولدی خیمۀ خرگاه
نزول اجلال ایدوب سلطان زمین پر بلاسینده
..
..
..
او گون عبّاس نام آور قوروب اخیام سلطانی
پیاده ایلیوب بیر بیر منظم آل طاهانی
جلال شوکت سقا قویوب حیرتده انسانی
حقیقت حیدر ثانی علینون لافتاسینده
..
..
..
دیر راوی باخوب گوردوم مجلل بیرخانم عورت
پیاده اولدی محملدن مهین بانوی باحشمت
جوانان بنی هاشم ایدر اول عورته حرمت
منه چوخ حیرت ال ویردی او عورت ماجراسینده
..
..
..
سوروشدوم کیمدی بو عورت امامت برجنه کوکب
ایدیر فرماننه طاعت تماماً صاحب منصب
دیدی بیر کس نه غافلسن بو دور زهرا قزی زینب
وجودی مظهر عصمت دوزی عصمت لباسینده
..
..
..
قورولموش زینبه گرچه چوخور یرده سرا پرده
چکیلمیش خیمه اوستوندن حریر و پرنیان پرده
صولون شهزاده لر آلمیش ساقین عباس سر کرده
ولی بیلمم نه وار آخر بو چرخین کج بناسینده
..
..
..
گچوب دوققوز گون اولگوندن محرم آیی اون بیرده
یتوب فرمان گیده شامه علی اولادی بی پرده
اسیرانی سوار ایتدی ئوزی زینب قالوب یرده
یازام عذر ایسترم زهرا اسارت ماجراسینده
..
..
..
دولاندوردی گوزون زینب گوروب یوخ اکبر و قاسم
چاغوردی نهر علقمده یاتان ای زبدۀ ناسیم
ئوزون گل سن سوار ایله منی غیرتلو عباسیم
او سس أوج ایلیوب قالدی همان دشتین فضاسینده
..
..
..
چتیندور نادری گر چه عزیز انسان ذلیل اولسا
اولار نمرود اودی گلشن یانان اوددا خلیل اولسا
دخیل اول ناامید ایتمز حسین هر کس دخیل او لسا
حسین چون عاشق حقدور حقیقت وار دعاسینده
..
..
..
#ورود_کربلا #نادری #ترکی #زبدةالاشعار