او گون کی جنّته جانان گئدیردی #سیدبشیرحسینی

سالروز رحلت حضرت امام خمینی (رحمت الله علیه)
–
✍️زبدة الاشعار✍️
?: @nohe_torki
–
سید بشیر حسینی میانجی
–
او گون کی جنّته جانان گئدیردی
دالیجا دسته دسته جان گئدیریدی
–
هله لعل لبیندن دویمامیشدیق
کی گوردوق چشمه ی عرفان گئدیریدی
–
گئدیردی گون- یاشیل تابوت ایچینده
شافاق سالمیشدی، نور افشان گئدیریدی
–
ملک لر، پیکرین تشییع ائده نده
اورک لردن آخیب القان گئدیریدی
–
یاغیردی گوز بولوطلاری شیدیرغی
او گوزیاشلار اولوب عمّان گئدیریدی
–
گولومسونموشدو گولتک جان وئرنده
هامی گوردی لبی خندان گئدیریدی
–
گئدیریدی آرخایین قلبیه قبره
انیس عترت و قزآن گئدیریدی
–
سپهر غمده اولدوزلار ایچینده
شتابیله مه تابان گئدیردی
–
بهشت حضرت زهرایه ساری
صفای روضه ی رضوان گئدیریدی
–
طبیب عشقیمیز عرشه گئده رکن
بوتون دردلر قالیب درمان گئدیریدی
–
قیزیل گوللر گلاب اولدو سپیلدی
گول عطری هریانا هر آن گئدیریدی
–
شقایق باغینین اُول باغبانی
شهیدلر جمعینه مهمان گئدیریدی
–
او گون خردادین اون دوردونده گوردوم
خمینی رهبر ایران گئدیریدی
–
داریخدی جسمیده جانی «بشیر» ین
او گون کی جنّته جانان گئدیریدی
–

#چهاردهم_خرداد
#امام_خمینی
#او_گون_کی_جنته_جانان_گئدیردی
#سیدبشیرحسینی
#ترکی
–
✍️ #زبدةالاشعار ✍️

?: @nohe_torki