اویان بابا باشه چاتوب فراقون #اربعین_حضرتی_ناعمی

زبانحال حضرت سکینه با پدر
اربعین(سوال و جواب)
..
..
..
..
#سبک_امید_و_سقای_حرم_اباالفضل
مشابه
..
..
..
حضرت (ناعمی)
..
..
..
..
(حضرت سکینه: )
اویان بابا باشه چاتوب فراقون
الولانوب اورکده اشتیاقون
قرخ گوندی کی در به دروک چوللرده
اربعینون اولوب گلوب قوناقون
..
..
(امام حسین : )
گوزل بالا دیداریمه خوش گلدوز
حریم مشگباریمه خوش گلدوز
گوروم قیزیم یورماسین الله سیزی
بو شش گوشه مزاریمه خوش گلدوز
..
..
..
..
..
..
..
..
(حضرت سکینه: )
اویان بابا کرمونده گوزوم وار
اورگیمده غم غصه دن کوزوم وار
دیندیر منی غملریمی آل خبر
گور نه قدر دل یاندیران سؤزوم وار
..
..
(امام حسین : )
گوزل بالا قیزیل قانا باتمیشام
فکر ایلمه بوردا راحت یاتمیشام
سیزیله گلمیشم جدا باشیندا
دئمه دئمه سیزی گوزدن آتمیشام
..
..
..
..
..
..
..
..
(حضرت سکینه: )
اویان بابا دردیم اورکده قالوب
غصه لردن گول تک رنگیم سارالوب
بو قدی خم کی یاپیشوب الیمدن
عمّم زینبدی هجروندن قوجالوب
..
..
(امام حسین : )
گوزل بالام عمون اورگی قاندی
غم غصه دن باشدان ایاقه یاندی
آل امیه نی ولی خوار ائدوب
قوجالسادا زینبیم قهرماندی
..
..
..
..
..
..
..
..
(حضرت سکینه: )
اویان بابا قوتاردی غملی سفر
سفر گزارشین مندن آل خبر
جسمیمه باخ اوخی سفرنامه می
پیکریمه یازوب بیربیر قمچی لر
..
..
(امام حسین : )
گؤزل بالا رنگون گل تک سولوبدی
ابر محن تک گوزلرون دولوبدی
هاردا سنون ثانی کسدی یولووی
سیلی ویروب یوزون نیلی اولوبدی
..
..
..
..
..
..
..
..
(حضرت سکینه: )
اویان بابا اورگیم قاندی سن سیز
یانار بلبل نار غمه چمن سیز
کوینگوی عمّم آلوب دشمندن
سنه قربان بابا یاتما کفن سیز
..
..
(امام حسین : )
گوزل بالا منه بو چول وطندی
یئتمیش ایکی لاله سی وار چمندی
او کوینگین صاحبی فاطمه دی
کهنه حصیر بالا منه کفندی
..
..
..
..
..
..
..
..
(حضرت سکینه: )
اویان بابا دلده شرر واریمدی
سینمده قان اولموش جگر واریمدی
رقیه شامیده قالدی آدامسیز
اوندان سنه غملی خبر واریمدی
..
..
(امام حسین : )
گوزل بالا عشق اولدوزوم هایاندا
آدیم سانیم دادیم دوزوم هایاندا
رقیّه می کارواندا گورمورم
آناما اوخشویان قیزیم هایاندا
..
..
..
..
..
..
..
..
(حضرت سکینه: )
اویان بابا ائشیت بو بیر جمله نی
رقیه نون دردی یاندیرور منی
گلنمدی کربلایه سئوگولون
خرابه گوشه سی اولدی مدفنی
..
..
(امام حسین : )
گوزل بالا قلبیم غمیله دولدی
ئورگیمون بندینی غصّه یولدى
شاماتیده مگر یوخدی قبرستان
بالام نیه خرابه ده دفن اولدی
..
..
..
..
..
..
..
..
(حضرت سکینه: )
اویان بابا بجادی رنگون سولا
اورگیوه منیم کیمین قان دولا
دئدیله بو قیز خارجی قیزیدی
قویماروق بیز قبرستاندا دفن اولا
..
..
(امام حسین : )
گؤزل بالا اشکیم ئوزه باغلارام
رقیّه مون هجرینده دل داغلارام
غربت ائلده آدامسیزدی رقیّم
حشره کیمین قبر ایچینده آغلارام
..
..
..
..
#اربعین #حضرتی_ناعمی #ترکی #زبدةالاشعار