کوچ از کربلا
..
..
..
محمد هوشمند (مدهوش)
..
..
..
..
ای باتان ظلمیله عطشان قانه قارداش آچ گوزون
یاتما دور سس وئر من نالانه قارداش آچ گوزون
..
..
..
..
ای منه روح روان یاتما نه راحت یاتموسان
گون مثالی دوشموسن مقتلده قانه باتمیسان
اهل بیتین بو چتین ساعتده گوزدن اتمیسان
گور نه حالدا گلمیشم میدانه قارداش آچ گوزون
..
..
..
..
سن ییخلدین مقتله سعد اوغلی گلدی جراته
شمردون فرمان وئرور لشکر توکولسون غارته
نیلیوم آیا نه تدبیر ائیلوم بو محنته
کشتی عترت دوشوب طوفانه قارداش آچ گوزون
..
..
..
..
ای پناهیم آچ گوزون باجین دوشوبدور مشکله
بیر بیابان قان توکن لشکر ایدوللر هلهله
قالسا قیزلار ات ایاقینده چتین دور مسئله
دور نشان وئر چاره بو نالانه قارداش آچ گوزون
..
..
..
..
قانه باتدی ائللریم یوخدور گلن امدادیمه
سس وئرن یوخدی بو چولده ناله و فریادیمه
بئله یاتما قان ایچینده دور اوزون گل دادیمه
گور نئجه اشکیم اخیر دامانه قارداش آچ گوزون
..
..
..
..
دوره می لشکر آلیب فرصت یوخوم دی آغلییام
شمر امان ویرمور اقلی گوزلریوی باغلییام
نیسگل اولدی وار یئری اهیله سینه داغلییام
آیریلیق دردی سالیب اود جانه قارداش آچ گوزون
..
..
..
..
اچ گوزون گل صحبته کام دیله یئتسین باجین
بو قدر ظلمه نئجه بیر گونده صبر ائتسین باجین
ایریلیب سندن بو حالتده هارا گئتسين باجین
جان فدا فدا سن تک سوسوز قربانه قارداش آچ گوزون
..
..
..
..
آغلیب یانام فرات اوسته لب عطشانیوه
صاف یئرین یوخ باتمیسان باشدان ایاقه قانیوه
زینبین جانی فدا اولسون یورولموش جانیوه
یوخ دوزوم منده غم هجرانه قارداش آچ گوزون
..
..
..
..
دو منی اتما بیله گوزدن پناهیم یوخ اخا
یالقیزام بیر آشنا و دادخواهیم یوخ اخا
لشکره اولسون مقابل سر سپاهیم یوخ اخا
قورخوشور قیزلار گلیر افغانه قارداش آچ گوزون
..
..
..
..
جسمیوه از بس وروبلار یاره یوخ حال قیام
ارخان اوسته دوشموسن ای پادشاه تشنه کام
حیف دور قالسین نماز عشق بئیله ناتمام
یئتمیب عهدین هله پایانه قارداش آچ گوزون
..
..
..
..
تاپموسان الفت عجب بو صون نفس جانانیله
لبلرین مانوس دور ذکر حق و قرانیله
قان اخیب باشدان دولوب دیر جانمازین قانیله
ناز ائدورسن عالم امکانه قارداش اچ گوزون
..
..
..
..
#کوچ_کربلا_محمد_هوشمند #ترکی #زبدةالاشعار
نظر دهید