ای رقیۀ مضطر ای شیرین دلیم لای لای #حضرت_رقیه_ذاکر_مراغه_ای

زبان حال حضرت زینب (س)
در شهادت حضرت رقیه (س)
..
..
..
..
#سبک_مهربان_بالام_لایلای
..
..
..
..
مرحوم ذاکر مراغه ای
..
..
..
..
ای رقیّۀ مضطر ای شیرین دلیم لای لای
ای نشانۀ اکبر نازلی سوگلیم لای لای
خسته بلبلیم لای لای
..
..
..
..
دمبدم سالوب یاده نسگلون الولاننام
دلده ذکر ایدوب آدون فرقتونده اودلاننام
کوفیان ایدن ظلمه تا ساغام قزیم یاننام
قدّیمی کمان ایتدون گلموری بلیم لای لای
..
..
..
..
اینجیدوب سنی لشگر گویلره فغان گیتدی
آغلادون یوزه گوزدن یاش یرینه قان گیتدی
دور ایاقه ناز ایتمه قوخما ساربان گیتدی
باد ظلمدن سولدون آچمامش گلیم لای لای
..
..
..
..
بو جفا و محنتدن قانه دوندی گوز یاشیم
دفن اولونمادی نعشون هاردادور بنی هاشیم
یوخ خبر ویرن گلسین یدّی نازلی قارداشیم
شامده غریبم من هاردادور ائلیم لای لای
..
..
..
..
کاروانمون زنگی خوشزبان رقیّم وای
ناله ده هم آوازیم نوحه خوان رقیّم وای
اوّلی عزیز آخر خوار اولان رقیم وای
توپراقی ایدن بالش زلفی سنبلیم لای لای
..
..
..
..
غربت اولکه بیرکس یوخ نه کفن نه غسّاله
شمع آهی یاندیررام باشون استه چون لاله
غسلوی اؤزوم ویررم آغلارام بو احواله
ظلمله اولان خاموش شمع محفلیم لای لای
..
..
..
..
ذاکر حسینم من فارغم علایقدن
قانعم او رزقی که قسمتیدی رازقدن
بو مراغه شهرینده کسمیشم خلایقدن
ازبریمدی زینب تک ای شیرین دلیم لای لای
..
..
..
..
#حضرت_رقیه #ذاکر_مراغه_ای #حضرت_رقیه_شهادت #ترکی #زبدةالاشعار