ای پرندۀ جنّت ، فاطمه خداحافظ #فاطمیه_عینی_فرد

زبانحال حضرت علی (ع) بر مزار حضرت زهرا (س)
.
✍️ زبدة الاشعار ✍️
.
🆔: @nohe_torki
.
حاج غلامرضا #عینی_فرد
.
.
ای پرندۀ جنّت ، فاطمه خداحافظ
یات بو قبریده راحت فاطمه خداحافظ
.
.
گوزلریم سنه قربان آغلاماق سنه آزدی
عاطفه یولوندان بو حاکم دنی آزدی
هی دئدوم عم اوغلو ندان بو ستمگره آز دی
وردیلار سنه ضربت فاطمه خداحافظ
.
.
قدر و قیمتون زهرا بیلمدی بشر نیلوم
چو خدا تاپشوروب طاها بیلمدی بشر نیلوم
خلقتون الوب تنها بیلمدی بشر نیلوم
ایکی عالمه رحمت فاطمه خداحافظ
.
.
تا آتان گئدوب الدن شهره غم سالوب سایه
بسکه آغلادون شکوه ایلیوبدی همسایه
شیونون وروب لطمه صبرِ شاه بطحایه
لحظه اولمادون راحت فاطمه خداحافظ
.
.
آرزو باغندان بیر گل درنمدون گئتدون
آغلادوب اوشاقلارون گولدور نمدون گئتدون
بیر کسه ئورک دردون بیلدیر نمدون گئتدون
درده ایلدون طاقت فاطمه خداحافظ
.
.
تارو پودیم اود دوتدی درگهون یانان وقتده
بوسه گاه طاهادن قان یره آخان وقتده
قانلی میخ تپراقه دردیوی یازان وقتده
صبر یوخ ائدم صحبت فاطمه خداحافظ
.
.
قاتلون اولوب خوشحال درد ایچینده تک قالام
عطریوی بو اطفال زخم خورده دن آلام
نصف شب تن خسته قبرون اوستونه سالام
ایلیم سنی رویت فاطمه خدا حافظ
.
.
دوقّوز ایل منه زهرا گوئیا اولوب بیر آن
منزلیم وجودونله اولدی روضۀ رضوان
فرقتون گران گلدی لحظه سی ائدور طوفان
غرق ائدور منی محنت فاطمه خداحافظ
.
.
روز و شب فراقوندن آغلارام یوخوم چاره
گوزیاشیمی رخساره باغلارام یوخوم چاره
لاله تک یانان قبلی داغلارام یوخوم چاره
وئرمز ال داخی وصلت فاطمه خداحافظ
.
.
گل جمالی تپراقدا گیزلنن ، منه سس و ئر
ناله می ائشیت سن گر وئر سسیمه سس دیندیر
آه مرتضی اولموش باور ایله عالم گیر
مرد و زن ائدور حیرت فاطمه خداحافظ
.
.
زینبون فغانیندن دردلی دل اولور پردرد
گرم ائدور عزا بزمین لحظه اولموری دلسرد
یاد ائدور منی هر دم خامه الده «عینی فرد»
نوحه یازدی پر رقت فاطمه خداحافظ
.
.
#فاطمیه_شهادت
#ای_پرنده_جنت_فاطمه_خداحافظ
#ترکی
.
✍️ #زبدةالاشعار ✍️
.
🆔: @nohe_torki