ایویندن ناگران موسی ابن جعفر #کاظمیه_علیوی

شهادت امام موسی ابن جعفر (ع)
..
..
..
ـــــــــــــــــــ
#سبک_کجایید_ای_شهیدان … #سبک_جوشی_زنجیر … #سبک_بو_کیمدور_یوسف_کنعانه_بنذر …
#سبک_بیا_یابن_الحسن_آرام_جانم
واگیر برای این سبک:
غریب آغلار، یل آغلار
گل اوسته بلبل آغلار
گوزون یاشین توکنده
گلوب درده ، دل آغلار
چتیندور محنتِ موسی ابن جعفر
..
….
..
کربلایی علی پورآقا (علیوی)
..
..
..
..
ائویندن ناگران موسی ابن جعفر
وئرور زنداندا جان موسی ابن جعفر
..
..
..
..
نه بیر کس وار چاغیرسا داده گلسون
بو غربت اولکه ده امداده گلسون
دیور آلله بالام بغداده گلسون
وئرور زنداندا جان موسی ابن جعفر
..
..
..
..
بوتون عالم بو بیر مظلومه آغلور
امامِ کاظمِ مسمومه آغلور
هامیدان چوخ ولی معصومه آغلور
وئرور زنداندا جان موسی ابن جعفر
..
..
..
..
دیور ای عالمینون پادشاهی
گجه دن چرپینور قلبیم الهی
بابامین یوخدی زنداندا پناهی
وئرور زنداندا جان موسی ابن جعفر
..
..
..
..
قفسده قالسا قوش باغری اولار قان
بالیخ دوشسه تُورا مشکل وئرر جان
ایاق چالماقه یوخ زندان دا امکان
وئرور زنداندا جان موسی ابن جعفر
..
..
..
..
امامدور گرچه اعمالی متین دی
ولی چوخلی بلالر عترتین دی
قرانلوق یرده جان وئرمک چتین دی
وئرور زنداندا جان موسی ابن جعفر
..
..
..
..
او غربت اولکه ده طاهانی سسلور
یاناندا سینه سی زهرانی سسلور
قولون زنجیر کسیر سقانی سسلور
وئرور زنداندا جان موسی ابن جعفر
..
..
..
..
آتانین گوگلی ایستر جان وئرنده
نقدری وار حله روحی بدنده
بالالار دوره سین آلسین وطنده
وئرور زنداندا جان موسی ابن جعفر
..
..
..
..
ولایت ملکینون سلطانی دور بو
تمام دردلرین درمانی دور بو
ولی ایللردی که زندانی دور بو
وئرور زنداندا جان موسی ابن جعفر
..
..
..
..
علاقه اولیا باغلار حسینه
چتین یرده اورک داغلار حسینه
بو دا جان اوسته دور آغلار حسینه
وئرور زنداندا جان موسی ابن جعفر
..
..
..
..
بو شعره علیوی دل داغلیوبدی
یازاندا بند بندین آغلیوبدی
اورک آل رسوله باغلیوبدی
وئرور غربتده جان موسی ابن جعفر
..
..
..
..
#کاظمیه #علیوی #کاظمیه_شهادت #ترکی #زبدةالاشعار