باخورام بو گل کیمی پیکره باشا باش یارادی اوغول على #اکبریه_سعدی_زمان

زبانحال حضرت لیلا (س) بر بالین حضرت علی اکبر (ع)
..
..
..
#سبک_بالام_آغلاما_گلوم_آغلاما و … ( 7 سبک برای سینه زنی و زنجیر ) … من عزیز فاطمیم فلک … سن آت اوسته پای پیاده من … بو خرابه نی ایلمه وطن … دولانور علی قیزی مقتلی و … بالام آغلاما … باجی دور گئداخ …
..
..
..
..
مرحوم حسینی سعدی زمان
..
..
..
..
..
باخورام بو گل کیمی پیکره باشا باش یارادی اوغول على
نیه بس ورق ورق اولموسان بو نه ماجرادی اوغول على
..
..
..
..
..
گوزیمون ضیاسی بو حالته سنی سالدی هانسی شل اولموش اَل
او اَلی که سرو قدون بیله یره یخدی کاش اولیدی شل
یوزیمی قویام اؤپَم ایگلیم باشا باش تاپولموری بیر محل
الیمی بو جسمده هر یره ورورام یارادی اوغول على
..
..
..
..
..
بیرینون اگر ئوله بیر کسی آخار اشک چشمی یانا یانا
هامی داغدیده لری ولی دوزه لر اگر بالا بیر یانا
اولامین نفر اگر آغلیان تانونار جوانی ئولن آنا
نقدر اوجاتماسا سس گینه بُلونر آنادی اوغول على
..
..
..
..
..
گل گلستان محمدی نیه باد سامیله سولموسان
نیه سولدوروبدی گون عارضون نیه ظلم الیله پوزولموسان
داغیلان قزل گله بنزوسن نیه خار تیریله دولموسان
بیله پایمال ایده خار کین گلی نه روادی اوغول علی
..
..
..
..
..
نه دیلیله دیندیرورم سنی منه وئرموسن نیه بس جواب
آنالیق محبتی دور گوزوم گوروری اولور جگریم کباب
گوزون آچ بو گوزلره من فدا نجه گور یانور بو ایوی خراب
سسینی اوجاتماماقین ولی سببی حیادی اوغول على
..
..
..
..
..
آنا آغلیاندا جوانینه سسی اختیار و قرار آلار
بخصوص الده ئولن بالا آناسین جهاندا چوله سالار
بالاسی سنون کیمی دوغرانان آنا کیم بُلر نه گونه قالار
بدنیندن آیریلا روحی گر آنانین بجادی اوغول على
..
..
..
..
..
نجه قلبیمون قانی آخماسون قطرات اشگ کیمی یوزه
نجه صبر ایدوم دایانوم مگر بیر آنا اولور بو غمه دوزه
بو بویا اوغول یتوره ولی بیله سرو قدّدن اَل اوزه
بیر آنا دیسه دوزرم اگر بو سوزی هوادی اوغول على
..
..
..
..
..
باخارام یارالی جنازه وه یوزه گوز یاشین اَلَرَم علی
غم هجر اوخیله گیجه گونوز اوره گیم باشین دَلَرَم علی
باشون آردیجا دوشرم چوله دییَرَم على مَلَرَم على
دیسم اشک چشم تریم قورور بو بوش ادّعادی اوغول على
..
..
..
..
..
بدنیمده روحیمیدون منیم سنه من بدن منه سن قواء
بدنین قواسی قالار مگر دَگَه روحینه بو قدر یارا
ایتوروبدی روحین آنان قالور آدی جسمدن قوری بیر نما
آنالار بدن دور اوغول روان آد آنا بالادی اوغول علی
..
..
..
..
..
سنی سسلینده همیشه من سوزیمه دیردون اوغول بلی
بو قدر دانشدیرورام سنی نیه دینموسن دیلیوه فدا
قاباقیمدا دور یری بیر باخوم بویوون بلاسین آلوم بالا
ایویمی یخان بیلمی بوکن بو قد رسادی اوغول على
..
..
..
..
..
بو ئولومله حقی دیریتموسن دوزرم واریمدی رضایتیم
ولی بیر بو نسگله چوخ یانور اوره گیم داشور یَمِ محنتیم
بیر ایچیم سو ویرمدیلر سنه بودور عمده جای شکایتیم
بو سپاه کوفه و شامده بو بیوک جفادی اوغول على
..
..
..
..
..
بو گُلین صبا یلی گلشنه گر آپارسا بیر ورقین علی
سارالار سولار گلی خشک ایدر هامی گللرین عرقین علی
گر آنان بو نحویله محشره گتوره بو گُل طبقین علی
آدی جود و رحمته منتقم چکه خط سزادی اوغول علی
..
..
..
..
..
بو جهاندا محترم ایله قیل نظر عنایت «حسینیه»
او جهاندا فاطمه سوز ویروب ایده جاق شفاعت «حسینیه»
نه لزومی وار اوزی ایستیه اولا تا حقارت «حسینیه»
قاپووا گلوبدور امیدیله نظری عطادی اوغول على
..
..
..
..
..
#اکبریه #سعدی_زمان #اکبریه_شهادت #ترکی #زبدةالاشعار