باغریمی یابن الحسن دوتموش یارا اوستن یارا #کاظمیه_مهدی_فعال

شهادت حضرت امام کاظم علیه السلام
.
✍️ #زبدةالاشعار ✍️
.
🆔: @nohe_torki
.
#مهدی_فعال
.
باغریمی یابن الحسن دوتموش یارا اوستن یارا
محنت موسی بن جعفر رعشه سالدی داغلارا
گوشه ی زندان هارا اول حجت دوران هارا
قلبیمی دردی دوتوب آدی گلنده آغلارام
روضه سین معصومه یانینده دوتوب دل داغلارام
.
.
.
قویمیون بوندان بئله بلبل قفسده جان وره
قویمیون گلزاریده کرکس گلوب جولان وره
سخت اولار زندانینون زنجیر یاراسی قان وره
یاره سین کیم باغلیار کیم آهینه حامی چیخار
آغلیار دایم در و دیوار زندانه باخار
.
.
.
ای گجیله گوندوزی زنداندا معلوم اولمیان
ای وفاسیز میزبانلاره همیشه میهمان
قمچی لردن چوخ وجودین دیل یاراسی یاندیران
ای آلان شیعه بلاسین یکتنه ئوز جانینه
ای دعای خیر ایدن زنداندا زندانبانینه
.
.
.
ای بالالارین دویونجا زندگیده گورمین
اهل عیال احوالینی اون سگیز ایلده بیلمین
قعر زنداندا قرانلوق یرده یالقوز جان ویرن
ای گوزینون جان ویرنده باغلیانی اولمیان
قیزلاریندان باشی اوسته آغلیانی اولمیان
.
.
.
ای عروقی سم لردن اود دوتوب اوچ گون یانان
ای گیدن تشییعه جسمی دورد غلامیله نهان
نعشی اللرده قالان؛ تابوتی کهنه نردبان
جانیمیز قربان او گوشه گوشه ی زندانیوه
قمچی لر آلتیندا زنداندا قوجالمیش جانوه
.
.
.
آه یا زهرا دئسم گر گلشنه گل لر سولار
هرکیمه ائتسم حکایت سینه سی غملن دولار
نردبان اوستونده ده میت مگر تشییع اولار؟؟
بیر دنه بغدادیدن تابوت اوشاهه چاتمادی
محترم تابوتیله آرامگاهه چاتمادی
.
.
.
واردی بیر عرضیم ولی عفو ایله یا صاحب زمان
دورد نفر ایتدی گر اول گل پیکری قبره روان
اون نفرده کربلاده ظلم ائدیبلر چوخ گران
دفن ایدن تشییع ایدن اولمادی حق آیینه سین
کاش آتلار لا أقل سیندیرمییدی سینه سین
.
#کاظمیه_شهادت
#باغریمی_یابن_الحسن_دوتموش_یارا_اوستن_یارا
#ترکی
.
✍️ #زبدةالاشعار ✍️
.
🆔: @nohe_torki